ހިއުމަން ރައިޓްސް ކޮމިޝަން އޮފް ދަ މޯލްޑިވްސްގެ ރައީސް ކަމުގެ މަގާމަށް ޑރ. އާއިޝަތު ރަމީލާ މިއަދު އައްޔަންކުރައްވައިފި އެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރަމީލާ އެ މަގާމަށް ހުށަހެޅުއްވުމާ ގުޅިގެން، އިއްޔެ އޮތް ރައްޔިތުންގެ މަޖިލީހުގެ ޖަލްސާގައި މި ނިންމުން ފާސްކުރީ ވޯޓުގައި ބައިވެރިވި 38 މެންބަރުންގެ އިއްތިފާގުންނެވެ. ރަމީލާ މިދިޔަ އަހަރުގެ ޑިސެމްބަރު މަހު އެޗްއާރްސީއެމްގެ މެންބަރު ކަމަށް އައްޔަންކުރިއިރު، އެއީ މި ސަރުކާރުގެ ފުރަތަމަ އެގްރިކަލްޗާ މިނިސްޓަރެވެ.
ސިއްޙީ ހާލަތުތަކާ ގުޅިގެން އެ މަގާމުން އިސްތިއުފާ ދެއްވި ރަމީލާ ގައުމީ ހިދުމަތް ކުރަން ފެށީ 1990 ވަނަ އަހަރު ނަރުހެއްގެ ގޮތުގައި މަސައްކަތް ކުރައްވަން ފެށުމުންނެވެ.
ކޮމެންޓު ފޮނުވާ