ޑުރަގު އެންފޯސްމަންޓާއި ކައުންޓާ ނާކޮޓިކްސް އިންޓެލިޖެންސް ގުޅިގެން މިދިޔަ ހޯމަ ދުވަހު ހިންގި އޮޕަރޭޝަނެއްގައި މާލޭގެ އެޕާޓްމަންޓެއް ބަލައިފާސްކޮށް ކިލޯއަކަށްވުރެ ގިނަ މަސްތުވާތަކެތި ހިފަހައްޓައި ދެ ދިވެހި ޒުވާނުން ހައްޔަރުކޮށްފައިވާ ކަމަށް ފުލުހުން މިއަދު ހާމަކޮށްފިއެވެ.
މި މައްސަލައިގައި ހައްޔަރުކޮށްފައިވަނީ ގދ. މަޑަވެލި ވަލުތެރޭގެ މުޙައްމަދު އީވާން ޙާމިދު، 23، އާއި ހ. ސަކީނާމަންޒިލް މާލޭގެ މުޙައްމަދު ރާޢިދު ޢަލީ އަޞްޣަރު، 31، އެވެ. ބަންދާ މެދު ގޮތެއް ނިންމަން ކޯޓަށް ހާޒިރުކުރުމުން ދެ މީހުން ވެސް ހަތް ދުވަހަށް ބަންދުކުރަން އަމުރުކޮށްފައިވެއެވެ.
ކޯޓުގައި ރާޢިދު ބުނީ އޭނާއަކީ ވަރަށް ބޮޑަށް ނަފުސާނީ މައްސަލަ ހުންނަ މީހެއް ކަމަށާއި މީގެ ކުރިން ވެސް ނާޖާއިޒު ގޮތުގައި އޭނާ ބޭނުންކޮށްގެން ކުށް ކުރުވަން މަސައްކަތްކޮށްފައިވާ ކަމަށެވެ. އޭނާގެ ބަލި ހާލަތަށް ބަލައި ގޭބަންދަށް ބަދަލުކޮށްދިނުމަށް އެދިފައިވި ނަމަވެސް ކޯޓުން ލުޔެއް ދީފައެއް ނުވެއެވެ. މި މައްސަލަ ފުލުހުން އަންނަނީ ތަހުގީގުކުރަމުންނެވެ.
ކޮމެންޓު ފޮނުވާ