ފުވައްމުލަކު ސިޓީ އުތުރުން 4 މޭލު ބޭރުން ދަތުރުކުރަމުން ދަނިކޮށް ދިޔަވަމުން ދިޔަ މުދާ އުފުލާ ބޯޓަކަށް އެމްއެންޑީއެފް ސަދަން އޭރިއާ ކޮމާންޑުން މިއަދު އެހީތެރިކަން ފޯރުކޮށްދީފިއެވެ.
"ހަވާސާ" ނަމަކަށް ކިޔާ މި ބޯޓަށް ދިޔަވާކަމުގެ މަޢުލޫމާތު މިއަދު މެންދުރު 12:23 ހާއިރު ލިބުމާއެކު، ކޯސްޓްގާޑް ފޯތު ސްކޮޑްރަންގެ ސިފައިންނާއި، ފުވައްމުލަކު ފަޔަރ ސްޓޭޝަނުގެ ފަޔަރ ފައިޓަރުންނާއި، ފުވައްމުލަކު ޕޯސްޓުގެ ސިފައިން ޕަންޕާއެކު އެ ސަރަހައްދަށް ދިއުމަށްފަހު ބޯޓަށް އެހީތެރިކަން ފޯރުކޮށްދީފައި ވެއެވެ.
އެ ބޯޓު ފުވައްމުލަކު ސިޓީ ބަނދަރަށް ވަންނަމުން މިއަދު 13:10 ހާއިރު ދިޔަ ހިއްކުމުގެ މަސައްކަތް ފަށާފައިވާއިރު، ބޯޓުގައި ބޮޑުވި ދިޔަގަނޑު އެއްކޮށް ހިއްކައި ނިމުނީ 14:10 ހާއިރުގައެވެ. މި އޮޕަރޭޝަނުގައި މޯލްޑިވްސް ސަރވިސްއިންވެސް ވަނީ ހަރަކާތްތެރިވެފައެވެ.
ކޮމެންޓު ފޮނުވާ