އިޤްތިސާދީ ތަރައްޤީއާއި ވިޔަފާރިއާ ބެހޭ ވުޒާރާއިން ހާމަކޮށްފައިވާ ގޮތުގައި މާލެ ސަރަޙައްދާއި ކުޅުދުއްފުށި އަދި އައްޑޫ ސިޓީގައި ކުދި އަދި މެދު ފަންތީގެ ވިޔަފާރިތަކަށް ހާއްސަކޮށްގެން ސްޓޯރޭޖް ފެސިލިޓީތައް ގާއިމުކުރުމުގެ މަސައްކަތް ފަށައިފިއެވެ. މި ފެސިލިޓީތަކުގައި ހެޔޮ އަގުގައި މުދާ ރައްކާކުރުމުގެ ފުރުސަތު ވިޔަފާރިވެރީންނަށް ލިބިގެންދާނެއެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމެވުމުގެ މަތިން ކުރިއަށް އޮތް ދެ އަހަރު ކުދި އަދި މެދު ފަންތީގެ ވިޔަފާރިތައް ކުރިއެރުވުމަށް ހާއްސަ ފިޔަވަޅުތައް ތަންފީޒުކުރެވޭނެއެވެ. އަންނަ ޖަނަވަރީ މަހުގެ އެއްވަނަ ދުވަހުން ފެށިގެން އެ މަސައްކަތްތައް ކުރިއަށްދާނެ ކަމަށް ވުޒާރާއިން މިއަދު ނެރުނު ބަޔާނެއްގައި ބުންޏެވެ.
ޑިސެންބަރު 17 ގައި ރައީސް ކުދި ވިޔަފާރިވެރީންނާއި ބައްދަލުކުރައްވައި ވިޔަފާރީގައި ދިމާވާ މައްސަލަތަކުގެ ޙައްލު ހޯދުމަށް މަޝްވަރާކުރެއްވިއެވެ. އެ ބައްދަލުވުމުގައި ފާހަގަކުރެވުނު ކަންކަމުގެ ތެރެއިން ސްޓޯރޭޖް ފެސިލިޓީއަކީ އެންމެ މުހިއްމު ކަމެކެވެ.
މީގެ އިތުރުން މޯލްޑިވްސް ޕޯޓްސް ލިމިޓެޑުން މުދާ ކުލިއާކުރުން ހަލުވިކުރުމާއި، ހަރަކާތްތެރިވާ އުޅަނދުފަހަރުގެ މަސައްކަތް ހަރުދަނާކުރުމަށްވެސް ވުޒާރާއިން ވަނީ ފިޔަވަޅު އަޅައިފައެވެ. ދިވެހީންނަށް އަދި ވަރކް ޕާމިޓް ހޯލްޑަރުންނަށް ކޮޓަރި ކުއްޔަށް ދޫކުރާ ވިޔަފާރިތައް ރަޖިސްޓްރީކޮށް ކޯޓާ ހޯދުމުގައި ދިމާވި ދަތިތައް ވަނީ ޙައްލުކޮށްފައި ކަމަށްވެސް ވުޒާރާއިން ބުންޏެވެ.
ކޮމެންޓު ފޮނުވާ