ހުޅުމާލޭ ފޭސް އެކެއްގެ ރައްޔިތުންނާ ބައްދަލުކުރައްވަމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވީ ޝަރީއަތް ނިމެންދެން ބަންދުކުރެވިފައިވާ މީހުންނާއި ވާނުވާ ބަންދުގައި ތިބި މީހުންގެ ތެރެއިން އަހަރަކަށްވުރެ ގިނަ ދުވަސްވީ ހުރިހާ މީހުންގެ މައްސަލަ އަންނަ އަހަރުގެ މާޗު މަހުގެ ނިޔަލަށް ނިންމާނެ ކަމަށެވެ.
ރެހެންދި ސްކޫލުގައި ރޭ ބޭއްވި ބައްދަލުވުމުގައި ރައީސް ވިދާޅުވީ އެޓާނީ ޖެނެރަލް އޮފީހަށް ލިބިފައިވާ މައުލޫމާތަށް ބަލާއިރު އެއް އަހަރަށްވުރެ ގިނަ ދުވަސްވެފައި ހުރި ހުރިހާ މީހުންގެ މައްސަލަތައް ބަލައި ނިންމުމަށްފަހު ވާނުވާ ބަންދުގައި ތިބި ބާކީ ހުރި ހުރިހާ މީހުންގެ މައްސަލަތައް ވެސް ކުރިއަށްދާނެ ކަމަށެވެ.
އޭޖީ އޮފީހުން ދެއްވާފައިވާ މައުލޫމާތުގައި އަންނަ މާޗު މަހު ނިމޭއިރަށް އެއް އަހަރަށްވުރެ ގިނަ ދުވަސްވަންދެން ވާނުވާގައި ތިބި ހުރިހާ މީހުންގެ ކޯޓު މަރުހަލާތައް ނިމޭނެ ކަމަށް ރައީސް ވިދާޅުވި އެވެ. ދެން މަސައްކަތް ކުރައްވާނީ ވާނުވާ ބަންދުގައި ތިބި އެންމެންގެ މައްސަލައަށް ދާއިމީ ހައްލުތަކެއް ގެނައުމަށް ކަމަށް ރައީސް ވަނީ ވިދާޅުވެފައެވެ. ވާނުވާ ބަންދުގެ މައްސަލަ ހައްލުކުރުމަކީ ރައީސް މުއިއްޒުގެ ރިޔާސީ ވައުދެކެވެ.
ކޮމެންޓު ފޮނުވާ