ފުވައްމުލައް ސިޓީން މަސްބާނަށް ދިޔަ ދޯންޏެއްގެ އިންޖީނު ހުއްޓި އޮޔާދުމުން އެދޯނީގައި ތިބި 10 މީހުން ސަލާމަތްކޮށްފި އެވެ.
މިއަދު ހަވީރު 3:50 ހާއިރު "ސަވާރީ" ނަމަކަށް ކިޔާ އެދޯނީގެ އިންޖީނު ހުއްޓުނު ކަމުގެ މައުލޫމާތު ފުވައްމުލައް ސިޓީ ޕޮލިހަށް ލިބިފައިވާ ކަމަށް ފުލުހުން ބުނެފައި ވެއެވެ. މައުލޫމާތު ލިބުމާއެކު ފުލުހުން ވަގުތުން އެސަރަހައްދަށް ގޮސް، ދޯނީގައި ތިބި 7 އަންހެނުންނާއި ކުޑަކުއްޖަކު ހިމެނޭ 10 މީހުން ޕޮލިސް ލޯންޗުން ފުވައްމުލަކަށް ގެންގޮސްފައިވެ އެވެ.
އިންޖީނު ހުއްޓުނު ދޯނިވެސް އެހެން ދޯންޏެއްގެ އެހީގައި ފުވައްމުލަކަށް ގެންދެވިފައިވާ ކަމަށާއި، ދަތުރުކުރި އެންމެންގެ ހާލުވެސް ރަނގަޅު ކަމަށް ފުލުހުން ހާމަކުރި އެވެ.
ކޮމެންޓު ފޮނުވާ