ޖަލުގައި ތިބެގެން ގައިދީން ކުރާ ސްކޭމް ކޯލްތައް ހުއްޓުވުމަށް އެފަދަ ކޯލްތައް ރިޕޯޓްކޮށްދިނުމަށް ހޯމް މިނިސްޓްރީން އާންމުންގެ ކިބައިން އެދިއްޖެއެވެ.
ހޯމް މިނިސްޓްރީން ބުނީ ޖަލުގައި ތިބޭ ގައިދީން އެކި ފަރާތްތަކަށް ގުޅައިގެން ގާނޫނާ ހިލާފު އަމަލުތައް ހިންގަމުންދާކަން ފާހަގަކުރެވިފައިވާ ކަމަށެވެ. މި މައްސަލައަށް ހައްލެއް ހޯދުމުގެ ގޮތުން ޖަލުން ކުރާ ކޯލެއް ކަމަށް ޝައްކުވާނަމަ، އެ ނަމްބަރު ވަންގަވް މެދުވެރިކޮށް ހިއްސާކުރެވޭނެ އިންތިޒާމު ސަރުކާރުން މިހާރު ވަނީ ހަމަޖައްސާފައެވެ.
ފުލުހުންގެ ތަފާސްހިސާބުތައް ދައްކާ ގޮތުން ސްކޭމްގެ ދުވާލެއްގެ މައްޗަށް އެވެރެޖްކޮށް 6 މައްސަލަ ހުށަހެޅެއެވެ. މީގެ ގިނަ ކޯލްތައް އަންނަނީ ޖަލުން ކަމަށް ފުލުހުން ބުނެއެވެ. މި އަހަރުގެ މާރިޗުމަހު ފުލުހުން ވަނީ ސްކޭމް މައްސަލަތައް ބެލުމަށް ހާއްސަ ސެންޓަރަކާއި ހޮޓްލައިނެއް ގާއިމުކޮށްފައެވެ.
ކޮމެންޓު ފޮނުވާ