ސާކް ޗާޓާ ޑޭގެ މުނާސަބަތުގައި ސާކްގެ ސެކެޓްރީ ޖެނެރަލަށް ފޮނުއްވި ތަހުނިޔާގެ މެސެޖުގައި ރައީސް ޑރ. މުހައްމަދު މުއިއްޒު ވަނީ ސާކް ސަމިޓް އަލުން ބާއްވަން ފެށުމަށް ގޮވާލައްވާފައެވެ. ސާކްގެ ރޫހު އަލުން އާލާކޮށް، އިތުބާރު ކަށަވަރުކުރުމަށް މިއީ މުހިންމު ފުރުސަތަކަށް ވާނެ ކަމަށް އެމަނިކުފާނު ފާހަގަކުރެއްވިއެވެ.
ދެކުނު އޭޝިއާގެ ތަރައްގީ ކުރިއަރުވައި، ރައްޔިތުންގެ ފުދުންތެރިކަން އިތުރުކުރެވޭނީ އެއްބައިވަންތަކަމާއި އެއްބާރުލުމުގެ ތެރެއިން ކަމަށާއި، މޫސުމަށް އަންނަ ބަދަލުތަކާއި، އިޔާދަކުރަނިވި ހަކަތަ ތަރައްގީކުރުމާއި، އާންމު ސިއްހަތާއި، ކާބޯތަކެތީގެ ރައްކާތެރިކަމާއި، އިގުތިސާދީ ހަމަހަމަކަން ކަށަވަރުކުރުމާއި، ދެމެހެއްޓެނިވި ތަރައްގީ ހާސިލްކުރުމަށް ގުޅިގެން މަސައްކަތް ކުރުމަކީ މުހިންމު ކަމެއް ކަމަށް ރައީސް ވިދާޅުވިއެވެ.
މިފަދަ ގޮންޖެހުންތަކާ ކުރިމަތިލުމުގައި ސާކު މުހިންމު ދައުރެއް އަދާކުރާނެ ކަމަށާއި، ސަރަހައްދުގެ އަމާންކަމާއި ފުދުންތެރިކަން އިތުރުކުރުމަށް ސާކުގެ މަސައްކަތް ހަރުދަނާކުރުމަށް ރާއްޖެ އަބަދުވެސް ތައްޔާރަށް އޮންނާނެ ކަމުގެ ޔަގީންކަން ރައީސް ދެއްވިއެވެ.
ކޮމެންޓު ފޮނުވާ