މާފަންނު ގެއެއްގެ ތެރޭގައި އަންހެން ކުއްޖަކު ގަދަކަމުން ހިފަހައްޓައި ޖިސްމާނީ އަނިޔާކުރި ކަމަށް ތުހުމަތުކުރެވި، 19 އަހަރުގެ ޒުވާނަކު ފުލުހުން ހައްޔަރުކޮށްފިއެވެ.
މިދިޔަ އަންގާރަ ދުވަހުގެ އިރުއޮއްސުނު ފަހުން، ހުއްދަ ނެތި ގަދަކަމުން ހިފަހައްޓައިގެން ޖިސްމާނީ އަނިޔާ ދިނުމުގެ މައްސަލައެއް އުމުރުން 18 އަހަރުގެ އަންހެން ކުއްޖަކު ފުލުހުންނަށް ރިޕޯޓުކޮށްފައިވެއެވެ. މި މައްސަލާގައި ހައްޔަރުކޮށްފައިވަނީ ހ. ފޯސީޒަން، އަހުމަދު އާހިލް މުނާޒު އެވެ.
ކޯޓުގައި ހާޒިރުކުރުމުން އޭނާ 15 ދުވަހަށް ބަންދުކުރަން އަމުރުކޮށްފައިވާއިރު، މައްސަލަ ތަހުގީގުކުރަމުން އަންނަ ކަމަށް ފުލުހުން ބުނެފައިވެއެވެ. ނަމަވެސް މި މައްސަލާގެ އިތުރު ތަފްސީލު ހާމައެއް ނުކުރެއެވެ.
ކޮމެންޓު ފޮނުވާ