ސަނާ ސައީދު އޭ ބުނުމުން ނޭނގިދާނެއެވެ. ނަމަވެސް "ކުޗްކުޗް ހޯތާ ހޭ"ގައި ޝާހްރުކް ޙާން އަދި ރާނީ މުކަރްޖީގެ ދަރިފުޅު އަންޖަލީ އަކީ އެންމެނަށްވެސް އެނގޭނެ ކުއްޖެކެވެ. ސަނާ ބޮޑުމީހެއްގެ ގޮތުގައި އެންމެ ފުރަތަމަ ފެނިގެންދިޔައީ އާލިއާ ބަޓް، ވަރުން ދަވަން އަދި ސިދާރް މަލްހޯތުރާ ލީޑުން ފެނިގެންދިޔަ "ސްޓޫޑަންޓް އޮފް ދަ އިޔާ" އިންނެވެ.
އީ ޓައިމްސްއިން ސަނާ އާ ވާހަކަ ދައްކަމުން އެންމެ މަސައްކަތްކުރަން ބޭނުންވަނީ ކާކާއެކުގައިތޯ އެހުމުން ސަނާ ބުނެފައިވަނީ ހޮލީވުޑް އެކްޓަރ ޖޭކް ގައިލެންހާލް ކަމަށެވެ. ސަނާ ބުނެފައިވަނީ އިންޑިއާގައި ވަރަށް މަޝްހޫރު މީހުންނާއެކު މަސައްކަތް ކުރެވިއްޖެކަމަށާއި ދެން ބޭނުންވަނީ ގައުމުން ބޭރަށް ދާން ކަމަށެވެ.
View this post on Instagram
ސަލްމާން ޚާން އަދި ޝާހްރުކް ޚާން ފަދަ މަޝްހޫރު ތަރިންނާއެކު ޗައިލްޑް އާޓިސްޓެއްގެ ގޮތުގައި މަސައްކަތްކޮށްފައިވާ ސަނާ ބުނީ އާމިރް ޚާނާ އެކުވެސް ފިލްމެއް ކުޅެން ބޭނުންވާކަމަށް ކަމަށެވެ. ސަނާ ބުނިގޮތުގައި އާމިރްގެ އެކްޓިން އޭނާއަށް ވަރަށް ފުރިހަމަކަމަށާއި އާމިރްގެ ފިލްމުތައް ނުނުކުންނަ ދުވަސްވަރު އޭނާގެ ކުރީގެ ފިލްމުތައްވެސް ބަލާކަމަށެވެ. އަދި އާމިރްގެ ކޮންމެ ފިލްމެއްގައިވެސް އެކްޓިން އެކްޓިންގ ތަފާރު ކަމަށާއި "ގަޖްނީ"، "3 އިޑިއަޓްސް" އަދި "ދަންގަލް" ފަދަ ފިލްމުތަކުގައި ކޮންމެ ފިލްމެއްގައި ވެސް އާމިރްގެ އެކްޓިންގ ތަފާތު ކަމަށް ސަނާ ބުންޏެވެ.
ރިލޭޝަންޝިޕް ސްޓޭޓަސް އާއި ބެހޭގޮތުން ސުވާލުކޮށްލުމުން ސަނާ ބުނެފައިވަނީ މިހާރު އަދި މީހަކާ ޑޭޓް ނުކުރާކަމަށާއި މީހަކު ފެނުމުން ބުނެލާނަންކަމަށެވެ. އެއާއެކު ލޯބި އެއީ ޤަބޫލުކުރާއެއްޗެއްތޯ ސުވާލުކުރުމުން ބުނެފައިވަނީ ޤަބޫލުކުރާކަމަށެވެ. އެއީ އޭނާގެ ދައްތަވެސް މިހާރު ކައިވެނިކޮށް އުޅެނީ ވަރަށް އުފަލުގައިކަމަށާއި ލޮތްބަކީ ދިރިއުޅުމުގައި ވަރަށް މުހިންމު އެއްޗެއްކަމަށް ގަބޫލުކުރާ ކަމަށްވެސް ސަނާ ބުންޏެވެ.
