ރިތިކް ރޯޝަންގެ ކުރީގެ އަނބިމީހާ ސުޒާން ޚާން އަކީ ސޯޝަލްމީޑިއާގައި ވަރަށް އެކްޓިވް މީހެކެވެ. އާންމުކޮށް ސުޒާން ހިއްސާކުރަނީ އޭނާއާއި ރިތިކްގެ ދެ ފިރިހެންދަރި، ރީޙާން އަދި ރިދާން އާއެކު ނަގާފައިވާ ލޯބި ފޮޓޯތަކެވެ.
ނަމަވެސް މިފަހުން ސުޒާން އޭނާގެ އިންސްޓަގްރާމްގައި ހިއްސާކޮށްފައިވަނީ ޅެންވެރިއާ ރުމީގެ ގެ ބަސްތަކެވެ. މިޕޯސްޓުތައް ޝެއާ ކުރަމުން ލިޔެފައިވަނީ ހިތް ބުނެދޭގޮތަށް އުޅުމަށާއި، ހިތް ދުވަހަކުވެސް ނުރަނގަޅު މަގަކަށް ތިމާ ދިޔަނުދޭނެ ކަމަށެވެ.
View this post on Instagram
ފަހުގެ ރިޕޯޓު ތަކެއްގައި، ސުޒާން މުމްބާއީގެ ކުލަބެއްގައި ސޯޝަލް ޑިސްޓެންސިންގެ ގަވައިދަށް ކިޔަމަންނުވުމުން ހައްޔަރުކުރި ޚަބަރުތަކެއް ވަނީ އައިސްފައެވެ.
ނަމަވެސް އެ ޚަބަރު އާންމުވުމުން ސުޒާން އޭނާގެ އިންސްޓާގުރާމުގައި ބުނެފައިވަނީ އޭނާ ދިޔައީ ރައްޓެއްސެއްގެ އުފަންދުވަހުގެ ޕާޓީއަކަށް ކަމަށާއި ދެން އެންމެންވެގެން ކުލަބަށް ދާން ނިންމައި ކުލަބަށް ދިޔައީ ކަމަށެވެ. އަދި 2:30 ކަށް ހާއިރު އޮތޯރިޓީގެ ބަޔަކުއައިސް ހުރިހާ އެންމެން ކައިރީ މަޑުކުރަންބުނެ ފޮނުވާލީ ހެނދުނު 6 ޖަހާއިރުކަމަށެވެ. އެހެންކަމުން މީޑިޔާގައި ހައްޔަރުކުރީ އޭ ކިޔާފައި ދެކެވެނީ ދޮގު ވާހަކަތަކެއް ކަމަށްވެސް ސުޒާން ވަނީ ބުނެފައެވެ.
ސުޒާނާއި ރިތިކް ރޯޝަން ވަކިވެފައި ވަނީ 2014 ވަނަ އަހަރުއެވެ. އެއަށް ފަހު ރިތިކް ވަނީ ކަންގަނާއާއިއެކު ދުވަސްތަކަަކަށް ޑޭޓް ކޮށްފައިއެވެ. މިކަން ކަންގަނާ ވަރަށް ހާމަކަން ބޮޑު ގޮތެއްގައި ދެއްކި ނަމަވެސް ރިތިކް މިކަމާ އެއްބަހެއް ނުވެއެވެ.
ވަރިއަށް ފަހު ވެސް ރިިތިކް އާއި ސުޒާން އެމީހުންގެ ދަރިންނާއި އެކު ތަފާތު ތަންތާގައި ވަގުތު ހޭދަކުރަމުން ދަނިކޮން ވަނީ ނޫސްވެރިންގެ ކެމެރާގެ ލެންސްތަކަށް އަރާފައެވެ. އިންޑިއާއި އާއި އިންޑިއާއިން ބޭރުންވެސް މި އާއިލާ ދަނީ އެކުގައި ޗުއްޓީހޭދަކުރަމުންވެ. އަދި ހަމަ އެހެންމެ ކޮވިޑް-19 ގެ ސަަބަބުން އިންޑިއާ ލޮކްޑައުން ކުރުމާއި އެކު ސުޒާން ވަނީ ރިތިކް އާއިއެކު އުޅުމަށް އެއްގެޔަކަށް ވެސް ގޮސްފައެވެ. ރިޕޯޓްތަށް ބުނާގޮތުގައި މިދެމިހުން އަލުން ކައިވެނި ކުރުމަކީ ވަރަށް ގާތް ކަމެކެވެ.
