ކެޓްރީނާ ކައިފް ބޮޑު ސްކްރީނުން ނުފެންނަތާ ދުވަސްކޮޅެއް ވީ ނަމަވެސް، އޭނާގެ ފޭނުންނަށް ސޯޝަލް މީޑިޔާ މެދުވެރިކޮށް ދިރިއުޅުމުގެ ހަބަރުތައް އަންނަނީ ހިއްސާކުރަމުންނެވެ. ކަސްރަތުކުރުމަށް މީހުން މޯޓިވޭޓްކުރާ ވީޑިއޯތަކުންނާއި އޭނާގެ ފޮޓޯޝޫޓުތަކުން ކެޓްރީނާ ވަނީ ސޯޝަލްމީޑިއާގައި އެންމެންގެ ސަމާލުކަން ހޯދާފައެވެ.
ކެޓްރީނާ ވަނީ އޭނާގެ ޖިމް އިންސްޓްރަކްޓަރ އާއެކު ޖިމްގައި ކަސްރަތުކޮށް ދާހިތްލާ ފޯވެގެން ހުރި ވީޑިއޯއެއް ހިއްސާކޮށްފައެވެ. އަދި މި ވީޑިއޯ ހިއްސާކުރަމުން ލެގްޑޭ ކަމަށާއި އަލުން ޖިމަށް އަންނަން ފެށީކަމަށް ލިޔެފައިވެއެވެ. ކޯވިޑްގެ ސަބަބުން އިންޑިއާގައިވެސް ސިނަމާ ތަކާއި ސެލޫނާއި ޖިމް ފަދަ ތަންތަން ބަންދުކޮށްފައި ހުންނަތާ މަސްތަކެއް މިވަނީ ވެފައެވެ.
View this post on Instagram
ކެޓްރީނާ އާއި ވިކީ ކޯޝަލް ރައްޓެހިވެގެން އުޅޭކަމުގެ ހަބަރު ފެތުރިފައިވާއިރު، އާ އަހަރު ފާހަގަކުރީވެސް މިދެތަރިން އެކުގައި ކަމަށް ގިނަ ފޭނުން އަންނަނީ ގަބޫލުކުރަމުންނެވެ. އެގޮތުން ދެމީހުންގެ އާ އަހަރުގެ ޗުއްޓީގެ ފޮޓޯތަކުގައި އެއްގޮތް ކަންތައްތަކެއް އެބަހުރިކަމަށް އެ ދެތަރިންގެ ފޭނުން އަންނަނީ ބުނަމުންނެވެ.
ރައްޓެހިވެގެން އުޅޭ ކަމަށް ދެމީހުން ކުރެ އެކަކުވެސް މިހާތަނަށް އެއްބަސްވެފައެއް ނުވެއެވެ. ނަމަވެސް ބޭރުތެރެއިން ދެމީހުން އެކުގައި ވަރަށް ގިނައިން ފެނިގެން ދެއެވެ.
ކެޓްރީނާދެން އެންމެ އަވަހަށް ބޮޑު ސްކްރީނުން ފެނިގެންދާނެކަމަށް ބެލެވެނީ ރޯހިތު ޝެޓީގެ ކޮޕް ޑުރާމާ "ސޫރިޔާވަންޝީ" އިން އަކްޝޭ ކުމާރާއެކުގަ އެވެ. މި ފިލްމުގެ އިތުރުން ކެޓްރީނާ، އަލީ އައްބާސް ޒަފަރްގެ ސުޕަރ ހީރޯ ފިލްމަކުންވެސް ފެނިގެންދާނެއެވެ.
