މީގެ ތިރީސް އަހަރުކުރިން "މޭނޭ ޕިޔާރް ކިޔާ" އިން މަގްބޫލުކަންހޯދި ފިލްމީ ތަރި ބާގްޔަޝްރީއަށް އެ ފިލްމު ހުށައެޅުމުން، ޑައިރެކްޓާރ ސޫރަޖް ބަރްޖަތުޔާއަށް 7 ފަހަރު ނޫނެކޭ ބުނެވުމުން ވަރަށް ދެރަވި ކަމަށް ބުނެފިއެވެ. އެ ފިލްމުން އާންމުގެ ހިތް އަތުލުމަށްފަހު ބާގްޔަޝްރީ ފިލްމީ ދާއިރާ ދޫކޮށްލާފައިވަނީ ކައިވެނިކުރާށެވެ.
އޭނާގެ ފިރިމީހާ ހިމާލަޔާ ދަސާނީ ދެކެ އަބަދުވެސް އޭނާގެ ފޭނުން ރުޅިއަންނަ ކަމަށް ޓައިމްސް އޮފް އިންޑިއާއަށް ދިން އިންޓަވިއުއެއްގައި ބާގްޔަޝްރީވަނީ ބުނެފައިއެވެ. ސަބަބެއްކަމަށް ބުނެފައިވަނީ ބޮލީވުޑާއި އޭނާ ދުރަށް ގެންދިޔައީ ފިރިމީހާކަމަށް ފޭނުން ގަބޫލު ކުރަނީ ކަމަށެވެ.
އުމުރުން 19 އަހަރުގައި ކައިވެނިކުރި ފިލްމީ ތަރި އޭނާގެ ފިރިމީހާއާއި ބެހޭގޮތުން ވާހަކަ ދައްކަމުން ބުނެފައިވަނީ އޭނާގެ ފިރިމީހާއަށް ހުރިހާ ފޭނުންގެ ބައްދުއާ ޖެހިފައިވާކަމަށެވެ. އަދި އެދުވަސްވަރު ދަސާނީ ދެކެ ހަމައެކަނި ލޯބިވީމީހަކީ އޭނާ ކަމަށާއި އެހެން އެންމެން އޭނާގެ ފިރިމީހާދެކެ ރުޅިއައި ކަމަށްވެސް ބާގްޔަޝްރީ ބުންޏެވެ.
Wish everyone a very Happy Diwali. May you be blessed with health n happiness, smiles n success, peace n prosperity.#Dhanterus #Diwali2020 pic.twitter.com/tGz9HutlU3
— bhagyashree (@bhagyashree123) November 13, 2020
އުމުރުން 51 އަހަރުގެ ބާގްޔަޝްރީ ބުނިގޮތުގައި ސޫރަޖް ބަރްޖަތުޔާ އޭނާއަށް "މޭނޭ ޕިޔާރް ކިޔާ"ގައި މަސައްކަތް ކުރުމަށް ވަރަށް އާދޭސްކުރިކަމަށާއި ނަމަވެސް ފިލްމު ކުޅެން ބޭނުން ނުވެއޭ ބުނުމުން ޤަބޫލުނުކުރާތީ ކޮންމެ ފަހަރަކުވެސް ބަހާނާއެއްދައްކައި ހަމަޖައްސާލަނީ ކަމަށެވެ. ނަމަވެސް 8 ވަނަ ފަހަރަށް ދެން ދައްކާނެބަހަނާއެއްވެސް ނެތުމުން އާއެކޭ ބުނީކަމަށްވެސް ބާގްޔަޝްރީ ބުންޏެވެ.
ފިލްމު ކުޅުން ހުއްޓާލިތާ އަހަރުތަކެއް ފަހުން ބާގްޔާޝްރީ ޓީވީ ޝޯވ އެއްކަމަށްވާ "ލޯޓްއާއޮ ކުރިޝްނާ" އިން ވަނީ ފެނިގެންގޮސްފައެވެ.
އަދި މިހާރު އޭނާ ދަނީ ރާދެ ޝިޔާމް އާއި ކަންގަނާ ރެނައުޓް އާއެކު "ތަލައިވީ"އަށް ތައްޔާރުވަމުންނެވެ. ބާގްޔަޝްރީގެ ދަރިފުޅު އަބީމަންޔޫ ދަސާނީވެސް ފިލްމީ ދައިރާއާއި ވަނީ ގުޅިފައެވެ. އޭނާގެ ފުރަތަމަ ފިލްމަކީ "މަރްދު ކޯ ދަރްދު ނަހީ ހޯތާ" އެވެ.
