2025 ވަނަ އަހަރުގެ ފުރަތަމަ ހަތް މަސްދުވަހުގެ ތެރޭގައި ދައުލަތުގެ ބަޖެޓް 314.3 މިލިއަން ރުފިޔާގެ ސަރޕްލަސްއެއްގައި ސަރުކާރުން ހިފެހެއްޓައިފިއެވެ. މިއީ ފަހުގެ ތާރީޚެއްގައި ރާއްޖޭގެ ބަޖެޓް ސަރޕްލަސްއަކަށް ގޮސްފައިވާ ފުރަތަމަ ފަހަރެވެ.
މާލީ ވުޒާރާއިން ނެރުއްވި ރިޕޯޓުން ދައްކާ ގޮތުގައި، ޖުލައި 31 ގެ ނިޔަލަށް ދައުލަތުގެ ހަރަދުތައް ފާއިތުވި އަހަރާ އަޅާބަލާއިރު 17.4 އިންސައްތަ ކުޑަވެފައިވެއެވެ. މިދިޔަ އަހަރުގެ އެ މުއްދަތުގައި ބަޖެޓް 6.4 ބިލިއަން ރުފިޔާގެ ޑެފިސިޓެއްގައި ހުރިއިރު، 2023 ގައި 4.2 ބިލިއަން ރުފިޔާގެ ޑެފިސިޓެއްގައި ހުރިކަން ފާހަގަކުރެވެއެވެ.
ދައުލަތުން މިހާތަނަށް 21.9 ބިލިއަން ރުފިޔާ ހަރަދުކޮށްފައިވާއިރު، ރިކަރަންޓް ހަރަދު 2.2 އިންސައްތަ ކުޑަވެ، ކެޕިޓަލް ހަރަދު 60.8 އިންސައްތަ މަދުވެފައިވެއެވެ. އޮފީސް ހިންގުމުގެ ތަކެތި ގަތުމަށާއި މަރާމާތަށް ކުރާ ޚަރަދު 20 އިންސައްތައަށްވުރެ ގިނައިން ކުޑަވެފައިވާކަން ރިޕޯޓުން އެނގެއެވެ.
ޕަބްލިކް ސެކްޓަރ އިންވެސްޓްމަންޓް ޕްރޮގްރާމަށް 12.4 ބިލިއަން ރުފިޔާ ބަޖެޓުކޮށްފައިވާއިރު، މިހާތަނަށް 3.4 ބިލިއަން ރުފިޔާ ޚަރަދުކޮށްފައިވެއެވެ. މީގެ ތެރެއިން 2.2 ބިލިއަން ރުފިޔާ ލަފާފުރުމުގެ ދަތިކަން ހައްލުކުރުމުގެ މަޝްރޫޢުތަކަށް ޚަރަދުކޮށްފައިވާއިރު، ވެލާނާ އެއަރޕޯޓް ނިންމުމާއި ބޯހިޔާވަހިކަމުގެ މަޝްރޫޢުތައް ހިމެނެއެވެ.
ކޮމެންޓު ފޮނުވާ