މިއަހަރު ތެރޭގައި ފިލްމު "ޖަވާނި ޖާނެމަން"އިން ތައާރަފްވި އެކްޓްރެސް އާލާޔާ ފަރްނީޗަރްވާލާ، އޭނާގެ މަންމަ ޕޫޖާ ބޭދީ ގޮތަށް އިންޑިޕެންޑެންޓް މީހަކަށް ވުމަށް މަންމަ ނަސޭހަތްދިން ކަމަށް އަލާޔާ ބުނެފިއެވެ.
އަލާޔާ ބުނިގޮތުގައި އޭނާގެ މަންމަ އޭނާ ކައިރީގައި ބުނީ އުމުރުން 30 އަހަރުވުމުގެ ކުރިން ކައިވެނިކޮށްފި ނަމަ އެކުރެވެނީ ވަރަށްވެސް މޮޔަކަމެއް ކަމަށެވެ.
އިންޓަވިއުއެއްގައި މަންމަ އެކަނިމާއެކަނި ބަލާބޮޑުކުރުމުން ކުރެވޭ އިހުސާސްތަކާއިމެދުގައި ސުވާލުކުރުމުން ބުނެފައިވަނީ، އަމިއްލައަށް ރުފިޔާ ހޯދައިގެން އަމިއްލައަށް އުޅެން ދަސްކުރުމުގެ މުހިންމުކަން މަންމައާއި ބައްޕަ އަބަދުވެސް ބުނެދޭކަމަށެވެ.
އަދި އިންޑިއާފަދަ އަންހެންކުދިންނަށް އަވަހަށް މީހަކާއި އިނުމަށް މަޖޫބޫރުކުރާ ގައުމެއްގައި އޭނާގެ މައިންބަފައިން އެކަމާއި ދެކޮޅު ހަދާކަމަށްވެސް އަލާޔާ ވަނީ ބުނެފައެވެ. އެމީހުން އަބަދުވެސް ވަޒީފާއަށާއި ކިޔެވުމަށް ވިސްނުމަށާއި އަވަހަށް މީހަކާއި އިނުމަކީ މޮޔަކަމެއްކަމަށް ބުނާ ކަމަށެވެ.
View this post on Instagram
މީގެ ކުރިން އަލާޔާ ވަނީ އޭނާގެ މައިންބަފައިން ވަކިވުމާއި މެދުގައި ސުވާލުކުރުމުން އޭރު އޭނާ ކުޑަވީމައި ހަނދާން ނުހުންނަ ކަމަށްބުނެފައެވެ. އަދި އެދެމީހުން ދުވަހަކުވެސް ކަމެއް ވީކަމުގެ އިހުސާސް ވިޔަކަ ނުދޭކަމަށްވެސް ވަނީ ބުނެފައެވެ.
އަލާޔާ ދެން އެންމެ އަވަހަށް ފެނިގެންދާނީ މިހާރު ޝޫޓިންގ ނިންމާފައިވާ އަނުރާގް ކަޝްޔަޕްގެ ފިލްމަކުންނެވެ.
