ފިލްމް އިންޑަސްޓްރީގައި 20 އަހަރު ވުން ފާހަގަ ކުރުމަށްޓަކައި މަޝްހޫރު ފިލްމީ ތަރި ޕްރިޔަންކާ ޗޯޕްރާ ވަނީ އޭނާގެ ފިލްމުތަކުން ކުޅުނު ޙާއްސަ ރޯލުތަށް ހިމަނައިގެން އޭނާގެ އިންސްޓަގްރާމުގައި ވީޑިއޯއެއްގައި ހިއްސާކޮށްފައެވެ. އެ ފިލްމު ތަކުގެ ތެރޭގައި "ބަޖީރާއޯ މަސްތާނީ"، "ސާތު ޚޫން މާފް" އަދި "ބަރްފީ" ހިމެނެއެވެ.
ވީޑިއޯގައި މިތިން ފިލްމުގެ ސީންތައް ހިމަނާފައިވާއިރު، މި ފިލްމުތައް ހާއްސަވީ ސަބަބު ލިޔެފައިވެއެވެ. އެގޮތުން "ބަޖިރާއޯ މަސްތާނީ" ގެ ކަޝިބާއީގެ ރޯލާއި ބެހޭގޮތުން ލިޔެފައިވަނީ މި ރޯލު އޭނާއަށް ދިނުމުން ފިލްމުގެ ޕުރޮޑިއުސަރަށް ޝުކުރުއަދާކުރާކަމަށާއި މި ރޯލަކީ ހިތްވަރުގަދަ އަދި ވަރަށް ގިނަ މީހުންނަށް ނަމޫނާއަކަށް ވާނެފަދަ ރޯލެއްކަމަށެވެ.
އެއާއެކު "ސާތު ޚޫން މާފް" އިން ސުޒާނާގެ ރޯލަކީ މަޖާ އަދި އަންހެނެއް ހަޤީޤީ ލޯބި ހޯދުމަށް 7 ފަހަރު މަސައްކަތްކޮށްވެސް ކާމިޔާބުނުވި އެކަނިވެރިއެއްގެ ރޯލެވެ. އަދި މި ރޯލަށްވެސް ފިލްމުގެ ޕުރޮޑިއުސަރ ވިޝާލްއަށް ވަނީ ޝުކުރުއަދާކޮށްފައެވެ.
އަދި އަނުރާގް ބާސޫގެ "ބަރްފީ" ގައި ޖިލްމިލްގެ ރޯލަކީ އޯޓިޒަމް ކުއްޖެރޯލެއްގެ ވެ. އަދި މިރޯލަކީ ވަރަށް އުނދަގޫވި ރޯލެއްކަމަށާއި ނަމަވެސް އަނޫރާގް ބާސޫގެ އެހީތެރިކަމާއިއެކު މި ރޯލު ކުޅެން ވަރަށް ފަސޭހަވެ މަޖާވިކަމަށް ޕްރިޔަންކާ ވަނީ ބުނެފައެވެ.
View this post on Instagram
މިފަހުން ޕްރިޔަންކާ ޗޯޕްރާ ވަނީ އޭނާ "މިސް ވޯލްޑް" ކާމިޔާބުކުރި މަންޒަރާއި، ބޮލީވުޑްގައި އޭނާގެ ފުރަތަމަ ފިލްމުގެ ތަންކޮޅުކޮޅު އިންސްޓާގުރާމުގައި ހިއްސާކޮށްފައެވެ. 2000 ވަނަ އަހަރު "މިސް އިންޑިއާ" ކާމިޔާބު ނުކުރެވުނު ކަމުގައި ވިޔަސް ހަމަ އެއަހަރު ޕްރިޔަންކާ ވަނީ "މިސް ވޯލްޑް" ކާމިޔާބުކޮށްފައެވެ.
