މާލެ ސަރަހައްދުގައި ހުރި އިމިގްރޭޝަންގެ ތިން އޮފީހުން މާދަމާއިން ފެށިގެން ކޮންމެ ހޮނިހިރު ދުވަހަކު ޕާސްޕޯޓު ދޫކުރަން ފަށާ ގޮތަށް ހަމަޖައްސާއިފިއެވެ.
އެގޮތުން ވެލާނާގެ އާއި ހުޅުމާލޭގެ އުމަރު ޒާހިރު ބިލްޑިންގ އަދި ދެވަނަ ފިޔަވަހީގެ ވިނަރެސް ދޭގައި ހުންނަ އިމިގްރޭޝަންގެ އޮފީހުން ޕާސްޕޯޓު ދޫކުރާނެ ކަމަށް އެ އިދާރާއިން އެކްސްގައި ކުރި ޕޯސްޓެއްގައި ބުނެފައިވެއެވެ. އަދި ޕާސްޕޯޓު ދޫކުރުމަށް ނަންބަރު ދޫކުރާނީ ހެނދުނު 9:00 އިން 12:00 އާ ހަމައަށް ކަމަށްވެސް އެ އިދާރާއިން މަޢުލޫމާތު ދީފައިވެއެވެ. މީގެ އިތުރުން، އިމުގާ ޕޯޓަލް މެދުވެރިކޮށް 24 ގަޑިއިރު ޕާސްޕޯޓަށް އެދި ހުށަހެޅުމުގެ ފުރުސަތު މިހާރު ވަނީ ހުޅުވާލާފައެވެ.
