ފުވައްމުލަކު ސިޓީގައި ހިނގާފައިވާ މަކަރާއި ހީލަތުގެ މައްސަލައަކާ ގުޅިގެން ހޯދަމުންދާ މީހެއްގެ ފޮޓޯ ފުލުހުން މިއަދު އާންމުކޮށްފިއެވެ. މި މައްސަލައިގައި ހޯދަމުންދާ ފަރާތަކީ ކާކުކަން އަދި ދެނެގަނެވިފައި ނުވާކަމަށާއި، އޭނާ ހޯދުމަށް މިހާތަނަށް ކުރެވުނު މަސައްކަތްތައް ކާމިޔާބުވެފައި ނުވާކަމަށް ފުލުހުން މަޢުލޫމާތު ދީފައިވެއެވެ.
ފުލުހުން ހާމަކޮށްފައިވާ ފޮޓޯތަކުގައި މި ފަރާތް ފެންނަނީ އޭޓީއެމްއެއް ކައިރީގައި ހުއްޓައެވެ. ނަމަވެސް މި ފޮޓޯތަކުގައި އޭނާގެ މޫނުމަތި ސާފުކޮށް ނުފެންނަ ކަމަށް ވެސް ފުލުހުން ފާހަގަކޮށްފައިވެއެވެ.
ފުލުހުން އެދިފައިވަނީ މި މައްސަލައާ ގުޅޭ އެއްވެސް މަޢުލޫމާތެއް އެނގޭނަމަ، ފުވައްމުލަކު ޕޮލިސް ސްޓޭޝަނުގެ ނަންބަރު 9792803 އަށް ގުޅައި އެ މަޢުލޫމާތު ހިއްސާކުރުމަށެވެ. އަދި މިފަދަ މައްސަލަތަކުގައި އާންމު ރައްޔިތުންގެ ފަރާތުން އެއްބާރުލުން ލިބެމުންދާކަން ވެސް ފުލުހުން ފާހަގަކޮށްފައިވެއެވެ.
