ހުޅުމާލޭ ފޭސް 2 ގައި މިރޭ ދެ ގްރޫޕެއްގެ މެދުގައި މާރާމާރީއެއް ހިނގައިފިކަމަށް ފުލުހުންނަށް ރިޕޯޓުކޮށްފައިވާ ކަމަށް މީޑިއާތަކަށް ފުލުހުން ފޮނުވި މެސެޖެއްގައި ބުނެފިއެވެ. ފުލުހުން އިތުރަށް މަޢުލޫމާތު ދިން ގޮތުގައި މި މައްސަލައިގެ ތަޙުޤީޤު މިހާރު ކުރިއަށްދާކަމަށް ބުނެފައިވެއެވެ.
މީގެ އިތުރުން، މިދިޔަ ބުދަ ދުވަހުވެސް ހުޅުމާލޭ ސެނެހިޔާ ހޮސްޕިޓަލް ކައިރިން ޒަޚަމުތަކަކާއެކު މީހަކު ފެނުނު ކަމަށް ވެސް ވަނީ ރިޕޯޓުކުރެވިފައެވެ. ނަމަވެސް މި މައްސަލައާ ގުޅޭ އިތުރު އެއްވެސް ތަފުސީލެއް ފުލުހުން ހާމަކޮށްފައެއް ނުވެއެވެ.
