ކޮވިޑް 19 ގެ ޕެންޑަމިކް ކުރިމަތި ނުވި ނަމަ މިހާރު އާލިއާ ބަޓާ ކައިވެނިކޮށްފާނެކަމަށް ރަންބީރު ކަޕޫރު ބުނިތާ ދުވަސްކޮޅެއް ފަހުން، އާ އަހަރު ފާހަގަ ކުރުމަށް ޗުއްޓީއަށް އާލިއާ އާއެކު ގޮސްފިއެވެ.
އަދި ރަންބީރުގެ މަންމަ ނީތޫ ކަޕޫރާއި ދައްތަ ރިދިމާ ކަޕޫރު ސަހްނީ އަދި ރިދިމާ ކަޕޫރުގެ ފިރިމީހާއާއި އެމީހުންގެ ދަރިފުޅު ސަމާރާ ވެސް އެދެމީހުންނާއި އެކު އެއާޕޯޓުންވަނީ ފެނިގެންގޮސްފައެވެ.
އެއާޕޯޓުގައި ނީތޫ އަދި ރިދިމާ ކަޕޫރާއި އެކު ހުއްޓިލައިގެން ނާގާފައިވާ ފޮޓޯގައި ރަންބީރު ލައިގެން ހުރީ ނޫ ކުލައިގެ ޓުރެކްޝޫޓެކެވެ. އަދި އާލިއާ ލައިގެން ހުރީ ހުދުކުލައިގެ ޓޮޕަކާއި ގަދަ ފެހިކުލައިގެ ހަރުވާޅަކާއި އެކުލައިގެ ޖެކެޓެކެވެ.
މި ދިޔަ ހަފްތާގައި އާލިއާ ވަނީ ރަންބީރުގެ އާއިލާ މީހުންގެ މެންދުރުގެ ކެެއުމެއްގައި ބައިވެރިވެފައެވެ. މި ކެއުމުގައި ކަޕޫރު އާއިލާގެ މީހުން ކަމުގައިވާ ކަރީނާ ކަޕޫރު ޚާން، ސައިފް އަލީ ޚާން އަދި އެމީހުންގެ ދަރިފުޅު ތައިމުރް ޚާން، ކަރިޝްމާ ކަޕޫރު، ކަރިޝްމާގެ ދަރިފުޅު ކިއާން އާއި ސަމައިރާ، އަދަރް ޖޭން އާއި ތާރާ ސުތާރިއާ، އަރްމާން ޖޭން އާއި އަންހެނުން އަނީސާ އަދި ރަންދީރް ކަޕޫރު ހިމެނެއެވެ. އެއަށްފަހު، ރަންބީރުގެ އާއިލާ ވަނީ އާލިއާ ބަޓްގެ އާއިލާއާއެކު ރޭގަނޑުގެ ކެއުމުގައި ބައިވެރިވެފައެވެ.
View this post on Instagram
ރަންބީރާއި އާލިއާ އެންމެ އަވަހަށް ފެނިގެންދާނީ އަޔާން މުކަރްޖީގެ "ބްރަހަމަސްތުރާ" އިންނެވެ. މި ފިލްމަކީ އާލިއާ އާއި ރަންބީރުގެ ފުރަތަމަ ފިލްމުކަމުގައި ވާއިރު މި ފިލްމުގައި އެދެމީހުންގެ އިތުރަށް އަމީތާބް ބައްޗަން، މޯނީ ރޯއީ، ނާގަރްޖުނާ އަދި ޑިމްޕަލް ކަޕާޑިއާ ފެނިގެންދާނެއެވެ.
