ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދު ދެންމެ މަގާމުން އިސްތިއުފާ ދެއްވައިފިއެވެ.
އެޗްޑީސީގެ އެމްޑީގެ މަގާމުން އިސްތިއުފާ ދެއްވިކަން ރައީސް މުއިއްޒުއަށް އަންގަވާ އޭނާ ފޮނުއްވި ސިޓީ އެނާވަނީ އޭނާގެ އަމިއްކަ އެކްސް އެކައުންޓުގައި ޕޯސްޓު ކޮށްފައެވެ.
މިމަހުގެ 21 ވަނަ ދުވަހުގެ ތާރީޚުގައި ފަޒުލް ރައީސް މުއިއްޒުއަށް އެޑްރެސްކޮށް ފޮނުއްވި ސިޓީގައި އޭނާ ވިދާޅުވެފައިވަނީ އެޗްޑީސީން ކުންފުނިން މިހާތަނަށް ކޮށްފައިވާ ހުރިހާ މަސައްކަތަކީ އެކުންފުނީގެ ބޯޑުން ނިންމައިގެން ކުންފުނީގެ ޕޮލިސީތަކާ އެއްގޮތަށް ނިންމާފައިވާ ނިންމުންތަކެއް ކަމުގައެވެ.
އަދި ބިންވެރިޔާ ސްކީމުގައި ކުންފުންޏަށް އަމާޒުވެފައިވާ ތުހުމަތުތަކަކީ ކުންފުންޏާއި އެއްވެސް ގުޅުމެއް ނެތް ތުހުމަތުތަކެއް ކަމަށްވެެސް އޭނާ ވިދާޅުވެފައި ވެއެވެ. އަދި އެތުހުމަތުތަކުގެ ހަގީގަތްތައް ވީހާވެސް އަވަހަކަށް ހާމަވުމަށް އެދޭކަމަށްވެސް އޭނާ ސިޓީގައި ވިދާޅުވެފައި ވެއެވެ.
