އަންނަ ބުރާސްފަތި ދުވަހު މަރުކަޒީ ބެންކް އެމްއެމްއޭ އާއި ރާއްޖޭގައި ހިދުމަތްދޭ އިތުރު ބެންކުތައް ބަންދުކުރުމަށް ނިންމައިފި އެވެ.
މިކަމާ ބެހޭގޮތުން މަރުކަޒީ ބޭންކް، މޯލްޑިވްސް މަނިޓަރީ އޮތޯރިޓީ އެމްއެމްއޭއިން ބުނީ، އާންމު އުސޫލުގެ ދަށުން މިއަހަރުވެސް ޑިސެމްބަރު 31 ވަނަ ދުވަހު ބޭންކިން ޚިދުމަތްތައް ބަންދު ވާނެ ކަމަށާއި، ބޭންކިންގެ ޚިދުމަތްދޭނެ އެންމެ ފަހު ދުވަހަކީ މާދަމާ ކަމަށެވެ.
އެމްއެމްއޭއިން ދެމުން އަންނަ ބޭންކިންގގެ ޚިދުމަތްތައް ޑިސެމްބަރުމަހުގެ އެއްތިރީސްވަނަ ދުވަހު ބަންދުވާނޭކަމަށް އެ ބޭންކުން ހާމަކޮށްފައިވާއިރު، ބޭންކް އޮފް މޯލްޑިވްސްއާއި ބައެއް އަމިއްލަ ބޭންކްތަކުންވެސް ވަނީ، މި މަހުގެ 31 ވަނަދުވަސް ބޭންކްތައް ބަންދުވާނޭކަން ހާމަކޮށްފައެވެ.
ބީއެމްއެލުން ބުނީ، ޑިސެމްބަރުމަހުގެ 31 ވަނަ ދުވަހު ބެންކްގެ ބްރާންޗްތަށް ބަންދުވި ނަމަވެސް ބީއެމްއެލްގެ ކޮންޓެކްޓް ސެންޓަރާއި ސެލްފް ސަރވިސް އޭޓީއެމްތަކުން ހިދުމަތް ލިބޭނެކަމަށެވެ. އަދި ބަންދަށްފަހު ޖަނަވަރީ 3 ވާ، އަންނަ އާދީއްތަ ދުވަހު ބްރާންޗްތަކުގެ ހިދުމަތް އަލުން ދޭން ފަށާނެ ކަމަށްވެސް ބީއެމްއެލުން ބުނެއެވެ.
ކޮންމެ އަހަރެއްގެވެސް އެންމެ ފަހު ދުވަހު ބޭންކްތައް ބަންދުކުރަނީ މާލީ އަހަރު ނިންމުމުގެ ގޮތުން އޯޑިޓް ކުރުމަށެވެ.
