އިމިގްރޭޝަނުން ބަންގްލަދޭޝްގެ ރައްޔިތެއް ހޯދުމަށް އިއުލާންކޮށްފިއެވެ.
އިމިގްރޭޝަނުން ހޯދަނީ އުމުރުން 35 އަހަރުގެ މުހައްމަދު އަމީރު ހުސެއިނެވެ.
އެ އިދާރާ އިން ކުރި އިއުލާންގައި ބުނީ މުހައްމަދު އަމީރު ހުސެއިން ފަސް ދުވަހުގެ ތެރޭގައި ހުޅުމާލޭގެ ފޭސް 2 ގައި ހުންނަ ޑިޓެންޝަން ސެންޓަރަށް ހާޒިރުވާން އަންގާ ކަމަށެވެ. އަދި އޭނާއާ ބެހޭ އެއްވެސް މައުލޫމާތެއް އެނގޭ ފަރާތެއްވާނަމަ، އިމިގްރޭޝަނުގެ 7980408 ނަންބަރާ ގުޅައި އެ މައުލޫމާތު ހިއްސާކުރުމަށް އެދިފައިވެއެވެ.
އޭނާ ހޯދަނީ ކޮން ކަމަކާ ގުޅިގެން ކަމެއް ސާފެއް ނުވި ނަމަވެސް ރާއްޖޭގައި ގަވައިދާ ހިލާފަށް އުޅޭ ބިދޭސީންގެ މައްސަލަ ހައްލުކުރަން ސަރުކާރުން އަންނަނީ ބޮޑެތި މަސައްކަތްތަކެއް ކުރަމުންނެވެ. އެންމެ ބޮޑަށް ފާހަގަކޮށްލެވެނީ އިމިގްރޭޝަނުން ކުރަމުން އަންނަ މަސައްކަތެވެ.
ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން އިމިގްރޭޝަނުން ކުރަމުން އަންނަ މަސައްކަތުގައި މިހާތަނަށް 5،000 އަށްވުރެ ގިނަ ބިދޭސީން ވަނީ އެ މީހުންގެ ގައުމުތަކަށް ޑީޕޯޓްކޮށްފައެވެ.
