މީގެ ދެދުވަސްކުރިން އަލަތު ކައިވެނި ކުރި ގޯހަރް ޚާން ވަނީ ކައިވެނި ކުރިތާ 2 ދުވަސްފަހުން މަސައްކަތަށް އެނބުރި އައިސްފައެވެ. އޭނާގެ ފިރިމީހާ ޒައިދް ދާރްބާރް ލަކްނައުގައި އޮތް ޝޫޓިންގ އަކަށް ގޯހަރް ފުރުވާލަން ވަނީ އެއާޕޯޓަށްގޮސްފަ އެވެ.
މި ދަތުރުގައި ގޯހަރްއަށް ވަނީ ފްލައިޓް ތެރޭން އޭނާގެ ކުރީގެ ލޯބިވެރިޔާ އާއި ދިމާވެފައެވެ.
ލަކްނައު އަށް ޝޫޓިން އަކަށް ދާން ދިޔަ ގޯހަރް ޙާން އާއި އޭނާގެ ކުރީގެ ރަހުމަތްތެރިޔާ އަދި ކުރީގެ ލޯބިވެރިޔާ ކުޝާލް ޓަންޑަންއާ ވަނީ ދިމާވެފައެވެ. ކުޝާލް ޓަންޑަން ވަނީ އޭނާގެ އިންސްޓަގްރާމުގައި، ގޯހަރް އާއި ދިމާވި ވާހަކަ ހިއްސާކޮށްފަ އެވެ.
މި ވީޑިއޯގައި ކުޝާލް ބުނެފައިވަނީ އިއްތިފާގުން ކުރީގެ ގާތް ރަހުމަތްތެރިއަކާއި ދިމާވެއްޖެ ކަމަށާއި އޭނާގެ ފަހަތުން ފާރަލަމުން އައީނޫންކަމަށެވެ. އަދި މިއީ ގޯހަރްއަށް މަރުހަބާކިޔަން ލިބުނު ފުރުސަތެއް ކަމަށްވެސް ކުޝާލް ބުނެފައި ވެއެވެ. ކުޝާލް ވަނީ ގޯހަރް އަށް ބާއްޖަވެރި ކައިވެނީގެ ހަޔާތަކަށް އެދޭކަމަށް ބުނެފައެވެ.
View this post on Instagram
ކުޝާލް ޓަންޑަން އާއި ގޯހަރް ޙާން ވަނީ "ބިގް ބޮސް7″ ގައި ބައިވެރިވެފައެވެ. އަދި ދުވަސްކޮޅަކަށް އެދެމީހުން ވަނީ ޑޭޓްކޮށްފަ އެވެ. ހަމައެއާއެކު ގޯހަރް އާއި ކުޝާލް އެކީގައި ވަނީ "ޒަރޫރީ ތާ" ކިޔާ ވީޑިއޯ ލަވައަކުން ފެނިފައެވެ.
ގޯހަރް ޚާން އާއި ޒައިދު ކައިވެނި ކޮށްފައި ވަނީ މިމަހުގެ 25 ވަނަ ދުވަހުއެވެ.
