ރާއްޖޭގެ އެންމެ ބޮޑު އިޤްތިސާދީ މަޝްރޫޢު ކަމުގައިވާ "މޯލްޑިވްސް އިކޮނޮމިކް ގޭޓްވޭ" މަޝްރޫޢުގެ ފްރޭމްވޯކް އެއްބަސްވުމުގައި މިއަދު ސޮއިކޮށްފިއެވެ.
މި އެއްބަސްވުމުގައި މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯންގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރ ޝިމާދު އިބްރާހިމް އެވެ. އަދި މަސައްކަތް ހަވާލުކުރެވުނު ކެޕިޓަލް އޭޝިއާ އިންވެސްޓްމަންޓްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެކުންފުނީގެ ޗީފް ކޮމާޝަލް އޮފިސަރެވެ.
މި ރަސްމިއްޔާތުގައި އިޤްތިސާދީ ވަޒީރު މުޙައްމަދު ސައީދު ވިދާޅުވެފައިވަނީ ރައީސް ޑރ. މުޢިއްޒުގެ އިޤްތިސާދީ އެޖެންޑާގެ ދަށުން ހިންގޭ މި މަޝްރޫޢުއަކީ ރާއްޖެ އިތުރު ދާއިރާތަކަކަށް ހުޅުވިގެންދާނެ މަގެއް ކަމަށެވެ. އަދި ރައީސްގެ ތަރައްޤީގެ އެޖެންޑާ ބިނާވެފައިވަނީ ފަތުރުވެރިކަމުގެ ސިނާޢަތު އިތުރަށް ކުރިއަރުވައި ވަރުގަދަކުރުމާއި، ފައިނޭންޝިއަލް ޑިޖިޓަލް އިކޮނޮމީ އަދި މެރިޓައިމް އިކޮނޮމީގެ މައްޗަށް ކަމަށް ވަޒީރު ފާހަގަކުރެއްވިއެވެ.
އިހަވަންދިއްޕޮޅުގައި ހިންގުމަށް ހަމަޖެހިފައިވާ މި މަޝްރޫޢުގެ ބިން ހިއްކުމުގެ މަސައްކަތް ފެށިފައިވަނީ މި އަހަރުގެ ޖެނުއަރީ މަހުގެ ފަހުކޮޅުގައެވެ.
ކޮމެންޓު ފޮނުވާ