ހުޅުމާލެ ފޭސް 2 ގެ ހިޔާ ފްލެޓުގެ 9 ވަނަ ޓަވަރުގައި ހުރި އެޕާޓްމަންޓެއްގައި މީހަކު ރަހީނުކޮށްގެން އުޅެނިކޮށް ފުލުހުން އެ މީހާ ސަލާމަތްކޮށްފިއެވެ.
އެނގިފައިވާ ގޮތުގައި ފުލުހުން މި މީހާ ސަލާމަތް ކޮށްފައިވަނީ، މި ހާދިސާގައި ރަހީނުކުރެވުނު މީހާގެ ބޯކޮށާލައި އިނގިލި ބުރިކޮށްލަން އުޅެނިކޮށެވެ. އެހެންނަމަވެސް އޭނާ ރަހީނުކުރި ސަބަބެއް އަދި އެނގިފައެއް ނުވެއެވެ.
މި މައްސަލައާ ގުޅިގެން ގިނަ އަދަދެއްގެ މީހުން، ފުލުހުން ހިންގި އޮޕަރޭޝަންގެ ހައްޔަރު ކޮށްފައިވާކަމަށްވެސް މައުލޫމާތު ލިބިފައި ވެއެވެ. އެހެންނަމަވެސް މި މައްސަލައާ ގުޅޭގޮތުން ފުލުހުން ރަސްމީކޮށް އެއްވެސް މަޢުލޫމާތެއް އަދި ހާމަކޮށްފައެއް ނުވެއެވެ. މިފަދަ އަނިޔާވެރި ޢަމަލެއް މީގެ ކުރިންވެސް ހިންގާފައިވާކަން ފާހަގަކުރެވެއެވެ.
އޭރުވެސް މީހެއްގެ އިނގިލި ބުރިކޮށްލުމުގެ މައްސަލައެއްގައި ބަޔަކުމީހުން ފުލުހުންގެ ބެލުމުގެ ދަށަށް ގެންގޮސްފައިވެއެވެ.
