2028 ވަނަ އަހަރު އޮންނަ ރިޔާސީ އިންތިޚާބުގައި ވާދަކުރައްވާނެކަން ކުރީގެ ރައީސް އަބްދުﷲ ޔާމީން މިއަދު އިޢުލާންކުރައްވާއިފިއެވެ.
މިދިޔަ ރިޔާސީ އިންތިޚާބުގައި ވާދަނުކުރެއްވުނު ޔާމީން، ރާއްޖެ ޓީވީގެ 'ފަށާއިރު' ޕްރޮގްރާމްގައި މިކަން ހާމަކުރެއްވީ އެ ޕްރޮގްރާމްގެ ޕްރެޒެންޓަރު ކުރެއްވި ސުވާލުތަކަށް ޖަވާބު ޖަވާބުދެއްވަމުންނެވެ.
އެހެންނަމަވެސް އަދިވެސް ކޯޓުގައި ހިނގަމުންދާ މައްސަލަތަކެއް ނުނިމި، މަޑުޖެހިފައި ހުރިކަން ފާހަގަ ކުރައްވަމުން ޔާމިން ވިދާޅުވީ، އިންސާފުވެރި ޝަރީޢަތެއް ލިބިވަޑައިގެންފިނަމަ، އެ ހުކުމްތަކުން ސަލާމަތްވެވަޑައިގަންނަވާނެ ކަމުގެ ޔަޤީންކަން އެމަނިކުފާނަށް އޮތް ކަމުގައެވެ. އަދި އެ މައްސަލަތަކުން ސަލާމަތްވެވަޑައިގަތުމަށްފަހު އިންތިޚާބުގައި ވާދަކުރައްވާނެކަން "ޝައްކެއްވެސް ނެތް" ކަމަށް ވިދާޅުވިއެވެ.
"ކުރިއަށް އޮތް ރިޔާސީ އިންތިހާބަށް އަޅުގަނޑު ޖަލަށް ނުލާނެތޯ؟،"
ރިޔާސީ އިންތިޚާބުގައި ވާދަކުރައްވާނެތޯ ކުރެވުނު ސުވާލުގެ ޖަވާބުގައި ޔާމީން އެއްސެވި އެވެ.
އަދި މައްސަލަތަކުން ސަލާމަތްވެއްޖެނަމަ ރިޔާސީ އިންތިޚާބުގައި ވާދަކުރައްވާނެތޯ ތަކުރާރުކޮށް ކުރެވުނު ސުވާލުތަކުގެ ޖަވާބުގައި ޔާމިން ވިދާޅުވީ ވިދާޅުވީ "ޝައްކެއް ވެސް ނެތް" ކަމުގައެވެ.
ވެރިކަން ލިބިވަޑައިގެންފިނަމަ، އެންމެ އިސްކަންދެއްވާނެ ތިން ކަމެއްގެ ގޮތުގައި ޔާމީން ފާހަގަކުރެއްވީ، އިޤްތިޞާދު ހަމައަކަށް އެޅުވުމާއި، އިންޑިއާ އަސްކަރިއްޔާ ބޭރުކުރުމާއި ކަނޑުގެ ސަރަހައްދު އަނބުރާ ހޯއްދެވުމާއި، އަދި ދިވެހި ޒުވާނުންނަށް ވަޒީފާގެ ތަނަވަސް ފުރުޞަތުތަކެއް ލިބޭނެ ގޮތަށް އިޤްތިޞާދު ބައްޓަންކުރުން ކަމަށެވެ.
އެންމެ އިސްކަމެއް ދީގެން ބަލާނެ ކަމަކީ އިގްތިސާދު ހަމައަކަށް އެޅުވުން. ދެން އިންޑިއާއަށް އަޅުގަނޑުމެން ޑިޕެންޑްވެފައި އޮންނަ އޮތުމާ އެކު، އިންޑިއާއާ ވާހަކަ ދައްކައިގެން އިންޑިއާ އަސްކަރިއްޔާ ބޭލުމާއި ކަނޑުގެ ސަރަހައްދު އަތުލުން. ތިން ވަނަ ކަމަށް އަޅުގަނޑު ބޭނުން ވަނީ ދިވެހި ޒުވާނުންނަށް ވަޒީފާގެ ތަނަވަސް ފުރުސަތުތަކެއް ލިބޭނެ ގޮތަކަށް އިގްތިސޯދު ބައްޓަން ކުރުން.
ވެރިކަން ލިބިވަޑައިގެންފި ނަމަ، އެންމެ އިސްކަން ދޭނެ ތިން ކަމަކީ ކޮބައިތޯ އެހުުމުން ޖަވާބުގައި ރައީސް ޔާމީން ވިދާޅުވި އެވެ.
