މާލޭގެ މ. ބޮޑުގެ ވަގުތީ މިސްކިތް މިހާރު ހުރި ބިމުގައި އައު މިސްކިތެއް އެޅުމަށް އިސްލާމީ ކަންތައްތަކާބެހޭ ވުޒާރާއާއި ވިޔަފާރިވެރިންގެ ޓީމަކާ ދެމެދު އެއްބަސްވުމުގައި ސޮއިކޮށްފިއެވެ.
މި މަޝްރޫޢުގެ ދަށުން އެޅުމަށް ހަމަޖެހިފައިވަނީ 3 ބުރީގެ މިސްކިތެކެވެ. މި މިސްކިތުގައި ޤުރްއާން ކިޔަވައިދިނުމުގެ އިތުރުން ލައިބްރަރީގެ ޚިދުމަތްވެސް ލިބެން ހުންނާނެއެވެ. މިސްކިތުގެ ބިންގާ އެޅުމުގެ މަސައްކަތް އަންނަ ޑިސެމްބަރު މަހު ފެށުމަށްފަހު، މިސްކިތް އެޅުމުގެ އަމަލީ މަސައްކަތް ފެށުމަށް ވަނީ ރޯދަ މަހުގެ ފަހުން ތާވަލުކޮށްފައެވެ.
މި މިސްކިތް އެޅުމުގެ މުޅި މަޝްރޫޢަކީ ވިޔަފާރިވެރިންގެ ޓީމަކުން ހިލޭ އެހީގެ ގޮތުގައި ކުރިއަށް ގެންދާ މަސައްކަތެކެވެ.
