ހުޅުމާލޭގެ ދެވަނަ ފިޔަވަހީގައި ކަރަންޓު ޓްރާންސްފޯމަރަކުން ވައްކަން ކުރަން އުޅުނު މައްސަލައިގައި ނ.މާޅެންދޫ، ފެހި އައްސޭރި، އަހްމަދު ރިސްފާން (32އ) ހައްޔަރުކޮށްފައިވާއިރު، އޭނާގެ ބަންދު މުއްދަތު 30 ދުވަހަށް އިތުރުކޮށްފިއެވެ.

މި މަހުގެ 27 ވަނަ ދުވަހުގެ ފަތިހު 5:30 ހާއިރު ހުޅުމާލެ ފޭސް 2 ގެ ހިޔާ 13 ފްލެޓް ކައިރީގައި ހުރި ޓްރާންސްފޯމަރެއްގެ ތެރެއަށް އޭނާ ވަނުމުގެ މައްސަލައިގައި ފުލުހުންނަށް ލިބުނު ރިޕޯޓަކާ ގުޅިގެން އޭނާ ވަނީ ހައްޔަރުކޮށްފައެވެ.

އޭނާގެ ބަންދަށް އެންމެ ފުރަތަމަ ޖެހި 3 ދުވަސް ހަމަވުމާ ގުޅިގެން ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 30 ދުވަހަށް އިތުރުކޮށްފައިވާ މި މައްސަލަ ފުލުހުން ދަނީ އިތުރަށް ތަހުގީގުކުރަމުންނެވެ.