އިމިގްރޭޝަނާއި ފުލުހުން ގުޅިގެން މި އޮކްޓޫބަރު މަހު ކުރިއަށްގެންދިޔަ ޚާއްސަ އިންސްޕެކްޝަން އޮޕަރޭޝަނެއްގައި ހަށިވިއްކުމުގެ ވިޔަފާރީގައި ހަރަކާތްތެރިވަމުންދިޔަ 9 ބިދޭސީން ހައްޔަރުކޮށްފައިވާކަމަށް އިމިގްރޭޝަންއިން ބުނެފިއެވެ.
މި އޮޕަރޭޝަންގައި ޖުމްލަ 5 މައްސަލައެއް ބަލައި، 7 އަންހެނުންނާއި 2 ފިރިހެނުން ވަނީ އިމިގްރޭޝަންގެ ބެލުމުގެ ދަށަށް ގެނެވިފައެވެ. ހައްޔަރުކުރެވުނު ފިރިހެނުންނަކީ މި ވިޔަފާރީގައި އެޖެންޓުންގެ ގޮތުގައި މަސައްކަތްކުރި ފަރާތްތަކެވެ.
މި މައްސަލަތައް ތަޙުޤީޤުކުރުމަށްފަހު، މިހާތަނަށް 5 އަންހެނުންނާއި 1 ފިރިހެނަކު ވަނީ ރާއްޖެ އަނބުރާ ނާދެވޭގޮތަށް ޑީޕޯޓްކޮށްފައެވެ. އަދި އިތުރު 3 ބިދޭސީން ޑީޕޯޓްކުރުމުގެ މަސައްކަތް މިވަގުތު ކުރިއަށްދާކަމަށް އިމިގްރޭޝަނުން މަޢުލޫމާތު ދެއެވެ.
މިފަދަ، ޤާނޫނާ ޚިލާފު ޙަރަކާތްތައް ހުއްޓުވުމަށް އިމިގްރޭޝަނާއި ފުލުހުން ގުޅިގެން ޚާއްސަ އޮޕަރޭޝަންތައް ކުރިއަށް ގެންދާނެކަމަށް އިމިގްރޭޝަނުން ވަނީ ބުނެފައެވެ.
