މިއަދު ހެނދުނު ފަރު މަސްވެރިކަން ކުރަން ނުކުމެ އުޅުނު ބަޔަކު ތިބި ޑިންގީއެއް ބަންޑުން ޖަހާލިކަމުގެ މައުލޫމާތު ހެނދުނު 06:11 ގައި ލިބުމާ ގުޅިގެން، އެމްއެންޑީއެފްގެ މާލެ އޭރިއާ ކޮމާންޑް ކޯސްޓްގާޑް ސެންޓަރުން އެ ޑިންގީ ހޯދުމުގެ މަސައްކަތް ފަށާ، ޑިންގީ ހޯދައިފިއެވެ.
އެމްއެންޑީއެފްއިން ކުރި އެކްސް ޕޯސްޓެއްގައި ބުނެފައިވަނީ މި ޑިންގީ ހޯދާފައިވަނީ ހެނދުނު 09:32 ހާއިރުއެވެ.
ނަމަވެސް އެ ޑިންގީގައި ތިބި މީހުންގެ އަދަދާއި އެއީ ކޮން ރަށެއްގެ ބައެއްކަން އެ އިދާރާއިން ހާމަކޮށްފައެއް ނުވެއެވެ.
