ގައުމީ ވޮލީބޯޅަ މުބާރާތުގެ އަންހެން ޑިވިޝަންގެ ތިންވަނަ ސެމީ ފައިނަލްގައި، ޕޮލިސް ކްލަބުން ވޮލީބޯލް ޔޫތު ނިއު ޖެނެރޭޝަން ބަލިކޮށް، ފައިނަލަށް ދަތުރުކުރުމުގެ ފުރުސަތު ހޯދައިފިއެވެ. މި ކާމިޔާބީ ޕޮލިސް ކްލަބުން ހޯދީ ސީދާ ތިން ސެޓުން، 25-20، 25-16 އަދި 25-20 އިން މޮޅުވެގެންނެވެ.
މިއާއެކު ފައިނަލްގައި ޕޮލިސް ކްލަބު ވާދަކުރާނީ މިހާރުގެ ޗެމްޕިއަން ވެމްކޯއާ ދެކޮޅަށެވެ.
ވެމްކޯއަކީ ވޭތުވެދިޔަ ދެ ފަހަރުގެ ޗެމްޕިއަންކަން ހޯދާފައިވާ ޓީމެވެ. އަދި މި މުބާރާތުގެ ފުރަތަމަ ސެމީ ފައިނަލްގައި ޕޮލިސް ކްލަބަށް ވަނީ ވެމްކޯއާ ދެކޮޅަށް ކުޅުނު މެޗުން ބަލިވެފައެވެ.
