ރާއްޖެއަށް މަސްތުވާތަކެތި އެތެރެކުރުމުގެ ތުހުމަތުގައި ހައްޔަރުކުރެވުނު 33 އަހަރުގެ ބްރެޒިލް އަންހެނާގެ ބަންދު މުއްދަތު 30 ދުވަހަށް ކްރިމިނަލް ކޯޓުން އިތުރުކޮށްފިއެވެ. ފުލުހުން ބުނާ ގޮތުގައި އޭނާ ރާއްޖެ އައި ދަތުރުމަތީގައި ގެނައި ދަބަހުގައި ހަތަރު ކިލޯގެ މަސްތުވާތަކެތި ފެނިފައިވެއެވެ.
ނަމަވެސް، އެ ދަބަހާ ގުޅޭ އިތުރު މަޢުލޫމާތު ނޭނގޭތީ ކޮންޓްރޯލް ޑެލިވަރީ ޖެއްސުމަށް އެއްބާރުލުން ދެވިފައިނުވާ ކަމަށް އޭނާ ބުނެފައިވެއެވެ.
ކޯޓުގައި އޭނާ ވަނީ ބަލިވެއިން ކަމަށާއި، އެއް ފަޅި ޕެރަލައިޒްވެފައިވާ ކަމަށް ބުނެފައިވާތީ، މި ކަންކަން ގާތުން ބެލުމަށް ކޯޓުން ފުލުހުންނަށް އަންގާފައިވެއެވެ. ފުލުހުން ބުނާ ގޮތުގައި އޭނާގެ ބޭސްފަރުވާއާ ގުޅޭ ލިޔެކިޔުންތައް ބަންދު މަރުކަޒާ ހަވާލުކޮށްފައިވާ ކަމަށާއި، އޭނާ ބަންދުގައި ހުރިކަން އެމްބަސީއަށް އަންގާފައިވާ ކަމަށެވެ. އަދި އޭނާއަށް ފޯނުކޯލުގެ ފުރުޞަތު ދެވުނު ނަމަވެސް، އޭނާގެ މަންމައާއި އެމްބަސީގެ ނަންބަރުތަކަށް ގުޅުމުން ފޯނަށް ޖަވާބުދީފައި ނުވާ ކަމަށްވެސް ފުލުހުން ބުނެފައިވެއެވެ.
ކަސްޓަމްސްއިން ބުނާ ގޮތުގައި އޭނާގެ އަތުން ފެނުނު މަސްތުވާތަކެތީގެ އަގު ހަ މިލިއަން ރުފިޔާއަށް އަރައެވެ. މި މައްސަލައިގައި އިތުރަށް ތަޙްޤީޤު ކުރިއަށްދާއިރު، އޭނާގެ ޞިއްޙީ ހާލަތަށް ސަމާލުކަން ދިނުމަށާއި، ޤާނޫނީ އަދި ޑިޕްލޮމެޓިކް އެހީތެރިކަން ފޯރުކޮށްދިނުމަށް އިސްކަންދޭ ކަމަށް ފާހަގަކުރެވެއެވެ.
