މުދައްރިސުންނަކީ ޙަޤީޤަތުގައިވެސް ޤައުމު ބިނާކުރުމުގެ އެންމެ އިސް މޭސްތިރިން ކަމުގައި އެމްޑީޕީގެ ރައީސް އަބުދުﷲ ޝާހިދު ވިދާޅުވެއްޖެއެވެ.
މިއަދު ފާހަގަ ކުރެވެމުންދާ މުދައްރިސުންގެ ދުވަހުގެ ތަހުނިޔާ އެންމެހާ މުދައްރިސުންނަށް އަރިސްކުރައްވަމުން ޝާހިދު ކުރެއްވި އެކްސް ޕޯސްޓެއްގައި ވިދާޅުވީ، މުދައްރިސުންގެ ދުވަހުގެ ހެޔޮ އެދުމާއި ތަހުނިޔާ ރާއްޖޭގެ އެންމެހާ މުދައްރިސުންނަށް އަރިސްކުރާ ކަމުގައެވެ.
އަދި މުދައްރިސުންނަކީ ޙަޤީޤަތުގައިވެސް ޤައުމު ބިނާކުރުމުގެ އެންމެ އިސް މޭސްތިރިންކަމަށާއި، އެއީ ދެމެހެއްޓެނިވި ތަރައްޤީގެ އެންމެ މުހިންމު ބިންގާ ކަމުގައެވެ. އަދި މުދައްރިސުންނަކީ ދަރިވަރުންގެ އަޚްލާޤާއި، އުޅުމާއި، އިޖްތިމާޢީ ގުޅުންތައް ރަނގަޅުކޮށް، ހެޔޮ މަގަށް އިރުޝާދުދީ، ކެނޑިނޭޅި މަސައްކަތްކުރައްވާ ހިތްވަރުގަދަ ބަޠަލުންތަކެއް ކަމުގައިވެސް ޝާހިދު ވިދާޅުވިއެވެ.
މުދައްރިސުންގެ އަގުހުރި ޚިދުމަތާމެދު އަޅުގަނޑުމެން އަބަދުވެސް ފަޚުރުވެރިވަމެވެ. އިޚްލާޞްތެރިކަމާއެކު ޝުކުރު ދަންނަވަމެވެ.
ޝާހިދުގެ އެކްސް ޕޯސްޓުގައި ވިދާޅުވެފައި ވެއެވެ.
މުދައްރިސުންގެ ދުވަސް ފާހަގަ ކުރެވެމުންދަނީ ކޮންމެ އަހަރެއްގެވެސް އޮކްޓޯބަރުމަހުގެ 5 ވަނަ ދުވަހުއެވެ. އެދުވަސް ފާހަގަ ކުރެވެނީ، މުސްތަގުބަލުގެ ޖީލުތައް ބިނާކުރުމުގައި މުދައްރިސުން ވަމުންދާ ގުރުބާނީގެ އަގު ވަޒަން ކުރުމުގެ ގޮތުންނެވެ.
