މިދިއަ މަހުގެ 12 ވަނަ ދުވަހުގައި ބޭއްވިގެން ދިއަ އިންޑިއާގެ މަހުޖަނު މުކޭޝް އަންބާނީގެ ދަރިފުޅު އަނަންތު އަންބާނީ ގެ 'ބިގް ފެޓް' ވެޑިންގ ވެގެން ގޮސްފައިވަނީ މިހާތަނަށް މުޅި ދުނިޔޭގައިވެސް ބޭއްވި އެންމެ އަގުބޮޑު ކައިވެންޏަށެވެ. މި ކައިވެންޏަށް ދުނިއޭގެ އެކި ކަންކޮޅުތަކުން މީހުން ޖަމާވި އިރުގައި އަންބާނީ އާއިލާ އާއި އެންމެ ބޮޑަށް ގުޅުން އޮންނަ ބޮލީވުޑް ވަނީ އެ ކައިވެނިން ފެނިގެން ގޮސްފައިއެވެ.

މި ކައިވެނި ވެގެން ގޮސްފައިވަނީ ހަބަރުތަކުގެ ފަލަ ސުރުހީން ޖާގަހޯދި ކަމަކަށެވެ. އެއްގޮތަށް ވުރެ ގިނަ ގޮތްގޮތަށް މި ކައިވެނިން މީޑިއާ އަށް ވަނީ ގިނަ ފައިދާ ތަކެއް ކޮށްފައިއެވެ. އަދި ގިނަ މައުލޫމާތު ތަކެއް ވެސް ލިބިގެން ގޮސްފައިއެވެ.

އެގޮތުން މިހާރު ބޮލީވުޑްގެ ޒުވާން ދެބެން ކަމުގައިވާ ޖާންވީ ކަޕޫރު އާއި ހުޝީ ކަޕޫރު ގެ ވާހަކަ އަކީ މި ކައިވެނީގެ އެންމެ ކުރީ ސަފުން ޖާގަ ހޯދި އެއް ވާހަކަ އަށް ވާނެ ކަން ގައިމެވެ.

 

View this post on Instagram

 

A post shared by Janhvi Kapoor (@janhvikapoor)

މި ކައިވެނި ހަފްލާގައި އެދެބެއިން ވަނީ ވަރަށް ހާއްސަ ފޮޓޯ އެއް ނަގައިފައިއެވެ. ގިނަ ބައެއްގެ ލޯތަށް އަމާޒުވި މި ފޮޓޯ އަކީ މި ދެބެއިންނާއި އެކުގައި އެމީހުން ގެ ލޯބިވެރިން ކަމަށް ބުނާ ދެ ފިރިހެނުންނާއި އެކުގައި ނަގައިފައިވާ ފޮޓޯއެކެވެ.  ފޮޓޯގެ ކަނާތް ފަރާތުން ޖާންވީ ޖެހިގެން ހުރީ އޭނަގެ ލޯބިވެރިޔާ ޝިކާރް ޕަހަރިއާ، 27، އެވެ. އެ ދެ މީހުން ރައްޓެހިވެގެން އުޅޭތާ ދުވަސްތަކެއްވެފައިވާ އިރު، ވަރަށް ނުސީދާކޮށް އެކި ފަހަރު މަތިން އެ ގުޅުން ރަސްމީކަމުގެ އިޝާރާތްތަކެއް ޖާންވީ ދީފައިވެ އެވެ.

 

View this post on Instagram

 

A post shared by Filmfare (@filmfare)

ފޮޓޯ އިން ހުޝީއާ ގާތުން އެ ފެންނަނީ އޭނަގެ ލޯބިވެރިޔާ އެކްޓަރު ވެދާންގް ރައިނާ އެވެ. މި ދެ މީހުން ވެސް ފިލްމީ ދުނިޔެ އަށް ތައާރަފުވީ މިދިޔަ އަހަރުގެ "ދި އާޗީސް" އިންނެވެ. ހުޝީ އާއި ވެދާންގެ ރައްޓެހިވެގެން އުޅޭކަމުގެ ވާހަކަތަކެއް ދެކެވެމުން ދިޔަ ނަމަވެސް އަދި ވަރަށް ޒުވާން ދެ ފަންނާނުން ގުޅުމާ ބެހޭ އެއްވެސް ވާހަކައެއް ނުދައްކަ އެވެ.

މި ފޮޓޯގެ ވާހަކަ އަނެއްކައިވެސް ދެކެވެން މި ފެށި މީގެ ދެދުވަހެއް ކުރިން ހުޝީ އެއާޕޯޓް އިން ފެނިގެން ދިއުމާއި އެކުގައި މީޑިއާއިން ނެގި ބައެއް ފޮޓޯ ތަކުން ހުޝީގެ ފޯނުގެ ވޯލްޕޭޕަރ ފެނުމާއި އެކުގައިއެވެ. އެ ފޯނުގެ ވޯލް ޕޭޕަރުއިން އެމީހުންގެ ގުޅުން ރަސްމީ ކޮށްދީފި ކަމަށް މީޑިއާއިން ބުނެއެވެ.

 

View this post on Instagram

 

A post shared by Varinder Chawla (@varindertchawla)

ހުޝީ އާއި ޖާންވީ އަކީ މަރުހޫމާ ސްރީދޭވީ ގެ ދެދަރިންނެވެ. ސްރީދޭވީ އަކީ ބޮލީވުޑްގައި އެންމެ ގަދައަށް ރަނިކަން ކުރި އެއް ތަރިއެވެ. ޖާންވީ ބޮލީވުޑް އަށް ތައާރަފްވީ 2018 ވަނަ އަހަރުގެ ފިލްމް ދަޅަކް އިންނެވެ. ހުޝީ ބޮލީވުޑް އަށް ތައާރަފުވީ މިދިއަ އަހަރު ގެ ފިލްމް "ދި އާޗީސް" އިންނެވެ.

ދެމީހުންވެސް މަންމަ ފަދައިން މި އިންޑަސްޓަރީގައި ކާމިޔާބު ހޯދުމަށް ދަނީ ބުރަކޮށް މަސައްކަތް ކުރަމުންނެވެ. ޖާވްނީ އަދި ހުޝީ ވެސް އަންނަނީ ބޮޑެތި ފިލްމް ތަކުގައި މަސައްކަތް ކުރަމުންނެވެ.