ހޮލީވުޑްގައި މަސައްކަތް ކުރުމަކީ ވަރަށް ބޭނުންވާ ކަމެއް ކަމަށާއި ކިތަންމެ ކުޑަ ރޯލެއް ލިބުން ނަމަވެސް ހޮލީވުޑްގައި މަސައްކަތް ކުރުމަށް ނޫނެކޭ ނުބުނާނެ ކަމަށް. މިހާރު އަރަމުން އަންނަ ބޮލީވުޑް ގެ ޒުވާން ބަތަލާ ތްރިޕްތީ ދިމްރީ ބުނެފިއެވެ.

ސިނަމާތަކުގައި މިހާރު ބޮޑު ތަރުހީބެއް ހޯދަމުން އަންނަ "ބޭޑް ނިއުސް" ގެ ބަތަލާ ދިން އިންޓަވިއުއެއްގައި ބުނީ ހޮލީވުޑްގައި މަސައްކަތްކުރާ ވައްޓަފާޅި ވަރަށް ކަމުދާ ކަމަށެވެ. އަދި ފުރުސަރެއް ލިބި އޭނާ ހޮލީވުޑްގައި މަސައްކަތް ކުރާ ދުވަހަކީ ހުވަފެން ހަގީގަތަކަށް ވާ ދުވަސް ކަމުގައި ވެސް އޭނާ ވަނީ ބުނެފައިއެވެ.

އިތުރަށް ވާހަކަ ދައްކަމުން އޭނާ ބުނީ އެފަދަ ފުރުސަތެއް ހޯދުމަށް އޭނާ ވަރަށް މަސައްކަތް ކުރަމުން އަންނަ ކަމަށާއި އަދި އޭނާ ހުރީ އެފަދަ އެންމެ ފުރުސަތެއް ގެ ނަމަވެސް އިންތިޒާރުގައި ކަމަށެވެ.

ކުރީގެ ބަތަލާ ސްރީދޭވީގެ 2017 ގެ ފިލްމު "މޮމް" އިން ބޮލީވުޑް ދަތުރު ފެށި، ޓްރިޕްތީގެ މަގުބޫލުކަމާއި މަޝްހޫރުކަން އިތުރުވީ މިދިޔަ އަހަރު ރިލީޒްކުރި ރަންބީރް ކަޕޫރްގެ "އެނިމަލް" ގައި ކުޅުނު ކުރު، ނަމަވެސް "ބޯލްޑް" ކެރެކްޓާގެ ސަބަބުންނެވެ.

އެއާއި އެކުގައި އޭނާގެ ޑިމާންޑް ވަރަށް ބޮޑަށް ބޮޑުވެފައިވާ ވާއިރުގައި ބޮލީވުޑް ގެ އިތުރުން ސައުތުގެ އިންޑަސްޓްރީން ވެސް އަންނަނީ އޭނާ އަށް ގިނަ ފުރުސަތު ތަކެއް ލިބެމުންނެވެ.