ސައުތުގެ މަޝްހޫރު އެކްޓަރު ވިޖޭ ސެތުޕަތީގެ ފިލްމް "މަހާރާޖާ" އަށް ބެލުންތެރިންގެ ބޮޑު ތަރުހީބެއް ލިބިއްޖެ އެވެ.
މި ފިލްމު ޑައިރެކްޓްކޮށް އަދި ލިޔެފައިވަނީ ނިތިލަން ސުވަމިނަތަން އެވެ. ޕްރޮޑިއުސް ކޮށްފައިވަނީ ސުދާން ސުންދަރަމް އާއި ޖަގަދީޝް ޕަލަނިސަމީ އަދި ކަމާލް ނަޔަންއެވެ.
މިދިޔަ މަހު 14 ގައި ސިނަމާތަކުގައި ދައްކަން ފެށި މި ފިލްމު މިދިޔަ ހަފުތާއިން ފެށިގެން އަންނަނީ ނެޓްފްލިކްސްގައި ސްޓްރީމްކުރަމުންނެވެ. ވަރަށް ގިނަ ގައުމުތަކުގައި ނެޓްފްލިކްސްގެ ހަފުތާ ޗާޓުގެ ކުރީގައި މި ފިލްމު ވަނީ ހިމެނިފަ އެވެ.
އެންމެ 20 ކްރޯޑް ރުޕީސް (36 މިލިއަން ރުފިޔާ)ގެ ކުޑަ ބަޖެޓަކުން ހެދި މި ފިލްމަށް ވަނީ ދުނިޔޭގެ ބޮކްސް އޮފީހުގައި 37 ދުވަހުގެ ތެރޭގައި 110 ކްރޯޑް ރުޕީސް (202 މިލިއަން ރުފިޔާ) ލިބިފަ އެވެ.
ވިޖޭ ސެތުޕަތީ އާއި އެކުގައި މި ފިލްމްގެ މުހިންމު ރޯލުތަކުން ބޮލީވުޑްގެ މަޝްހޫރު ޑައިރެކްޓަރު އަނޫރާގް ކަޝޭޕް އަދި އަބީރަމީ ވެސް ފެނިގެން ދާނެއެވެ. މީ އާންމު ކޮށް ވިޖޭ ފެނިގެންދާ ފަދަ އެކްޝަން ފިލްމްއެކެވެ.
