މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރުގެ މަގާމުގައި ހުންނެވި އަލީ ހާޝިމް މަގާމުން ދުރުކުރުމަށް ސަރުކާރު ހިންގާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން ކުރަމުންދާ މަސައްކަތާ ގުޅިގެން އިދިކޮޅު ލީޑަރު ފައްޔާޒު އިސްމާއިލް ކަންބޮޑުވުން ފާޅުކުރައްވައިފި އެވެ.

އިދިކޮޅު މައި ޕާޓީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޗެއާޕާސަން އިސްމާއިލް މިހެން ވިދާޅުވެފައި މިވަނީ ހާޝިމް މަގާމުން ވަކިކުރަން ރައީސް މުހައްމަދު މުއިއްޒަށް ހުށަހަޅަން ޕީއެންސީ ކޮންޓްރޯލް ކުރާ ރައްޔިތުންގެ މަޖިލީހުގެ މާލިއްޔަތު ކޮމިޓީން ނިންމި ނިންމުމާ ގުޅިގެންނެވެ.

އޮބްޒާވަރުން ލަފާކުރާ ގޮތުގައި މިއީ ހާޝިމްގެ ބަދަލުގައި މިހާރަށް ވުރެ މަޑުމައިތިރި ބޭފުޅަކު ގެނައުމަށް ރައީސް މުއިއްޒު ގެންގުޅުއްވާ ސްޓްރެޓެޖީގެ ތެރެއިން، މަރުކަޒީ ބޭންކުގެ މިނިވަންކަމަށް ބުރޫ އަރާފާނެ ކަމެކެވެ.

އެކްސްގައި ފައްޔާޒު ކުރެއްވި ޕޯސްޓެއްގައި ވިދާޅުވީ "އިގްތިސާދީ ގޮތުން ނުތަނަވަސްކަން އުފެދިފައިވާ މިފަދަ ދަނޑިވަޅެއްގައި" މަޖިލީހުގެ ކޮމެޓީން ނިންމި ނިންމުމާ މެދު ކަންބޮޑުވުން ފާޅުކުރައްވާ ކަމަށެވެ. "މާލީ އިދާރާތައް ނުތަނަވަސްވުމަކީ މި ސަރުކާރުގެ [މުއިއްޒު ސަރުކާރުގެ] ދުރުވިސްނުމެއް ނެތްކަމުގެ އިތުރު އަލާމާތެއް،"ކަމަށް ވިދާޅުވެ ފައްޔާޒުވަނީ މިހާރަށް ވުރެ ބޮޑަށް ސަމާލުވުމަށް ސަރުކާރަށް ގޮވާލެއްވި އެވެ.

މުއިއްޒުގެ ސަރުކާރަށާއި ވެރިކަން ކުރާ ޕާޓީއަށް ފައްޔާޒު ވަނީ "މި ނުރައްކާތެރި މަގުން ދުރުހެލިވުމަށް" ގޮވާލައްވާފައެވެ.

ސިއްހީ ސަބަބުތަކާ ހުރެ ހާޝިމް ދާދި ފަހުން ވަނީ ކޮމިޓީއަށް ހާޒިރުވުމަށް ދެކޮޅު ހައްދަވައިފަ އެވެ. އޭގެ ބަދަލުގައި އެބޭފުޅުންކުރެއްވި ސުވާލުތަކަށް ލިޔުމުން ޖަވާބު ހުށަހެޅުއްވިއެވެ.

ނަމަވެސް އަލީ ހާޝިމް އެމްއެމްއޭގެ ވެރިޔާގެ މަގާމުގެ މަސްއޫލިއްޔަތު އަދާނުކުރައްވާ ކަމަށް ވިދާޅުވެ ޕީއެންސީގެ މެމްބަރުން ގެންދަވަނީ އޭނާ މަގާމުން ދުރުކުރުމަށް ވާހަކަ ދައްކަވަމުންނެވެ.

ރައްޔިތުންގެ މަޖިލީހުގެ 93 ގޮނޑީގެ ތެރެއިން 75 ގޮނޑީގެ ކޮންޓްރޯލް ޕީއެންސީއަށް ލިބިފައިވާއިރު، މަރުކަޒީ ބޭންކުގެ ވެރިޔާގެ މަގާމުގައި ހާޝިމް މަގާމުން ދުރުކުރާނެ ކަމަށް ތަޖުރިބާކާރުން ލަފާކުރެ އެވެ. އަދި ޕީއެންސީން އެ ބާރުގެ ބޭނުން އަމިއްލަ ފައިދާއާއި މުއިއްޒުގެ ސަރުކާރުގެ މަންފާއަށް ބޭނުންކުރަމުންދާތީ ކަމަށްބުނެ އިދިކޮޅުން ވަނީ ކަންބޮޑުވުން ފާޅުކޮށްފައެވެ.