ދައުލަތުގެ ބަޖެޓް ފްލޯ މެނޭޖު ކުރުމަށް، އަންނަ އާދިއްތަ ދުވަހުން ފެށިގެން 4 ޓްރެޜަރީ ބިލެއް (ޓީ-ބިލް) ވިއްކަން ހުޅުވާލާނެކަމަށް ފިނޭންސް މިނިސްޓްރީން ބުނެފިއެވެ.
1.2 ބިލިއަން ރުފިޔާގެ މި 4 ޓީ ބިލްގެ ތަފްސީލުތައް ތިރީގައި މިވަނީއެވެ.
• 28 ދުވަހުން އަނބުރާ ދެއްކުމަށް ވިއްކާ 200 މިލިޔަން ރުފިޔާގެ ޓީ-ބިލް
• 98 ދުވަހުން އަނބުރާ ދެއްކުމަށް ވިއްކާ 120 މިލިޔަން ރުފިޔާގެ ޓީ-ބިލް
• 182 ދުވަހުން އަނބުރާ ދެއްކުމަށް ވިއްކާ 687 މިލިޔަން ރުފިޔާގެ ޓީ-ބިލް
• 364 ދުވަހުން އަނބުރާ ދެއްކުމަށް ވިއްކާ 202 މިލިޔަން ރުފިޔާގެ ޓީ-ބިލް
ފިނޭންސް މިނިސްޓްރީން ވިއްކުމަށް ހުޅުވާލާ ޓީ-ބިލްތަކުގެ އިންޓްރެސްޓް ރޭޓް އުޅެނީ 3.50 އިންސައްތައާއި 4.60 އިންސައްތައާއި ދެމެދުގައެވެ.
ޓީބިލަކީ ދައުލަތުގެ މާލީ ހާލަތު މެނޭޖްކުރުމަށް ދައުލަތަށް ނަގާ ކުރު މުއްދަތުގެ ދަރަންޏެކެވެ. ކުރު މުއްދަތުގައި، މި ދަރަނީގެ މުއްދަތު ހަމަވުމުން އިންޓަރެސްޓާ އެކީ ގަންނަ ފަރާތަށް ދައްކާނެއެވެ.
