ޕީއެންއެފް އަކީ އިދިކޮޅުގައި އޮތް ޕާޓީއެއް ނޫންކަމަށާއި، އެޕާޓީ އޮތީ ރައްޔިތުންނާއެކު ކަމުގައި ރައީސް ޔާމިން ވިދާޅުވެއްޖެއެވެ.
މިރޭ ޕީއެންއެފްގެ ޖަގަހާގައި އޮތް ޖަލްސާގައި ވާހަކަ ދައްކަވަމުން ރައީސް ޔާމިން ވިދާޅުވީ، ރަސްމީކޮށް އިދކޮޅު ޕާޓީއެއްގެ ގޮތުގައި އޮތީ އެމްޑީޕީ ކަމަށާއި، ޕީއެންއެފް އޮންނާނީ ރައްޔިތުންނާއެކު ކަމަށެވެ.
ޔާމިން ވިދާޅުވީ މިސަރުކާރުން ނޫސްވެރިމންގެ އަނގަމަތީގައި މަލަން އަޅާފައިވާކަމަށާއި، ހުރިހާ ކަމެއް އޮތީ ސިއްރު ކޮށްފައި ކަމުގައެވެ. އެހެންކަމުން ސަރުކާރުން ކުރާ ގޯސް ކަންކަމުގެ ވާހަކަ އާންމު ރައްޔިތުންނަށް ކިޔައިދޭނެ ބަޔަކު ތިބެންޖެހޭ ކަމުގައި ރައީސް ޔާމިން ވިދާޅުވިއެވެ.
މިޖަލްސާގައި އިތުރަށް ވާހަކަ ދައްކަވަމުން ޔާމިން ވިދާޅުވީ، ޕީއެންއެފްގެ ވެރިންނާ ދެކޮޅަށް ޕީއެންސީގެ ޖަގަހަ ޖަލްސާގައި ފާޑު ކުރަމުންދިޔަ ނަމަވެސް، އެޕާޓީގެ ލީޑަޝިޕްގެ ބޭފުޅުންގެ ހަން ވަރަށް ބޯވާނެ ކަމުގައެވެ.
