ޑާކް ރެއިން އެންޓަޓައިިންމަންޓުގެ ފުރަތަމަ ހޮރޯ-ކޮމެޑީ "ބިބީ" ގެ ޓައިޓްލް ލޯގޯ ދައްކާލައިފި އެވެ.
"ބިބީ" އަކީ ރާއްޖޭގައި އެންމެ ބާރަށް ކުރިއަރަމުން އަންނަ ޒުވާން އެކްޓަރު ޝަރަފު އަބްދުﷲ ގެ އަންހެނުން އަދި މަޝްހޫރު ހޯސްޓް ޝަހުދާ މަހުމޫދު ލިޔެ، ޑައިރެކްޓްކުރާ ފިލްމެކެވެ.
ޓައިޓްލްގެ ލެޓަރިން ހަދާފައި ވަނީ މި ފަހުން ޑާކް ރެއިންގެ ހުރިހާ ޕްރޮޖެކްޓްތަކެއްގެ ވެސް ލެޓަރިން ހަދަމުން އަންނަ އަބޯ ޝަފީއު އެވެ. އަދި ހޫދު އިބްރާހީމް ޓައިޓްލް ޑިޒައިން ހަދާފައިވާ އިރު، ޓައިޓްލް މިއުޒިކް ހެދީ ހުސައިން ތައުފީގެވެ.
View this post on Instagram
ޝަރަފަކީ ޑާކް ރެއިނުން މިދިޔަ މާޗްގައި އޮލިމްޕަހުގައި އެޅުވި ރިވެންޖް އެކްޝަން ތުރިލާ "ފުރޭތަ" ގަ ވެސް ބަތަލެވެ. "ބިބީ" ގެ ކާސްޓްގައި އޭނަގެ އިތުރުން މަރިޔަމް މަޖުދާ މަޖޫ)، ޝީލާ ނަޖީބު، އަބްދުﷲ ޝާފިއު (ފުބޫ) އަދި އަހުމަދު އީސަ (އާނަންދު) ފަދަ ތަރިން ހިމެނެ އެވެ.
