ހިޖުރައިން ލިއްބައިދޭ ފިލާވަޅަކީ ދީނަށްޓަކާ ގުރުބާންވުމުގެ މަތިވެރި ފިލާވަޅުކަމުގައި މިއަދުގެ ހުކުރު ޚުޡުބާގައި ވިދާޅުވެއްޖެއެވެ.
"ހިޖުރައިގެ ދަރުސްތަކުގެ ތެރެއިން" މިމައުޞޫއަށް ޚާއްސަ ކުރެވިގެންދިޔަ މިއަދުގެ ހުކުރު ޚުޡުބާގައި ވިދާޅުވީ ކީރިތި ރަސޫލާ އެކަލޭގެފާނު އުފަންވެވަޑައިގެން ބޮޑުފުޅުވި ރަށާއި ގާތްތިމާގެ ބޭފުޅުންނާއި އާއިލާގެ ބޭފުޅުން ދޫކުރައްވާ މައްކާއިން ނިކުމެވަޑައިގެން މަދީނާއަށް ހިޖުރަކުރެއްވުމުގެ ދަތުރުފުޅު ފެއްޓެވީ އެހެންހުރިހާ ކަމެއް ދީނަށްޓަކާ ގުރުބާން ކުރައްވައިގެން ކަމުގައެވެ.
ﷲގެ އަޅުތަކުންނޭވެ! ހިޖުރައިން ލިބޭ އަނެއް ފިލާވަޅަކީ، ކަމެއް ކާމިޔާބުވުމުގެ އެންމެ މުހިންމު ބަޔަކީ ކަމެއް ފެށުމުގެ ކުރީން އެކަމެއް ފުރިހަމަޔަށް ރޭވުމާއި، ކަންކަން ކުރާނެ ފަރާތްތައް ކަނޑައަޅާ ފުރިހަމަޔަށް ހަމަޖައްސާފައި ވުމެވެ. މިގޮތުން ބަހާލެވިފައިވާ މަސައްކަތުގެ ތެރެއިން އަބޫބަކުރުގެފާނު ކުރެއްވި އެއްކަމަކީ ހަތަރު މަސް ކުރިން ދަތުރުގެ ސަވާރީ ތައްޔާރު ކުރައްވާން ފެއްޓެވުމެވެ. މިއީ ފުރިހަމަ ސިއްރިޔާތުގައި ކުރެއްވި ކަމެކެވެ. ހަމަ އެފަދައިން ހިޖުރައަށް ނިކުމެވަޑައިގަތް ރޭގައި އަލީގެފާނު ކީރިތި ރަސޫލާގެ ދާންމަތިކޮޅުގައި އަވަހާރަފުޅު ލެއްޕެވިއެވެ. މައްކާގެ މުޝްރިކުން ރަސޫލާ އަވަހާރަކޮށްލަން ރާވާފައިވާ ރޭގައި އެކަލޭގެފާނުގެ ދާންމަތިކޮޅުގައި އަލީގެފާނު އަހަވާރަފުޅުލެއްޕެވީ ފުރާނަފުޅު ގުރުބާންވެ ދިޔަނަމަވެސް ރަސޫލާ ދިފާއުކުރައްވާ، އިސްލާމް ދީން ދިފާއު ކުރެއްވުމުގެ މަތިވެރި މަގުސަދުގައެވެ.
މިއަދުގެ ޚުޡުބާގައި ވިދާޅުވެފައެވެ.
ޚުޡުބާގައި ވިދާޅުވީ ހިޖުރައިން ލިބޭ ފިލާވަޅުތަކުގެ ތެރޭގައި ދަތި އުދަނގޫ ވަގުތުތަކުގައިވެސް އިމާންކަމުގެ އަހުލުވެރީން ސާބިތުކަމާއެކު ތިބޭނެކަމުގެ ފިލާވަޅުވެސް ހިމެނޭ ކަމުގައެވެ.
