އެ އެއްބަސްވުމުގައި ބައިވެރިވުމަށް ވަޒީރުންގެ މަޖިލީހުން ފާސްކޮށް އެކަމާމެދު ރައްޔިތުންގެ މަޖިލީހުގެ ރުހުން ހޯދުމަށް ހުށަހެޅުއްވުމަށް ރައީސް ޑރ. މުހައްމަދު މުއިއްޒު ނިންމަވާފައިވަނީ މި މަހުގެ 24 ވަނަ ދުވަހެވެ.
ސަމޯއާ އެގްރިމަންޓުގައި ރާއްޖެއިން ބައިވެރިވުމަށް ނެގި ވޯޓުގައި 82 މެންބަރުން ވަނީ ރުހުން ދިނުމަށް ވޯޓު ދީފައެވެ. ރުހުން ނުދިނުމަށް އެއްވެސް މެންބަރަކު ވޯޓު ދީފައެއް ނުވެއެވެ.
މި މައްސަލަ ދިރާސާކުރީ ހާރިޖީ ގުޅުންތަކުގެ ކޮމިޓީންނެވެ.
އިޔޫއާއެކު ސޮއިކުރާ ސަމޯއާ އެގްރިމަންޓުގެ ސަބަބުން ރާއްޖެއިން ބޭރުކުރާ މަހުގެ އުފެއްދުންތައް ބޭރުކުރުމަށާއި، އެ އިއްތިހާދުގެ ގައުމުތަކާއެކު ވިޔަފާރީގެ ގުޅުންތައް ބާއްވަން ފަސޭހަވާނެ އެވެ.
މި އެއްބަސްވުމަކީ ކުރިއަށް އޮތް 20 އަހަރަށް އީޔޫ، އޯއޭސީޕީއެސްގެ ގުޅުމުގެ މައިގަނޑު ޖުމަލް ހަ ދާއިރާއަކުން އެކުގައި މަސައްކަތް ކުރުމަށް އެކުލަވާލާފައިވާ ގާނޫނީ އޮނިގަނޑު ހާމަކޮށްދޭ އެގްރީމަންޓެކެވެ. އެ ދާއިރާތަކަކީ:
- ހިއުމަން ރައިޓްސް އެންޑް ޑީމޮކްރަސީ
- ޕީސް އެންޑް ސެކިއުރިޓީ
- ޑިވަލޮޕްމަންޓް
- އިކޮނޮމިކް ގްރޯތު
- ކްލައިމެޓް ޗޭންޖް
- މައިގްރޭޝަން އެންޑް މޮބިލިޓީ
