މިދިޔަ 24 ގަޑިއިރުގެ ތެރޭގައި އެންމެ ގިނަ އިން ވާރޭ ވެހުނީ ކ. ގާފަރަށް ކަމަށް މޫސުމާ ބެހޭ ގައުމީ އިދާރާ އިން ހާމަކޮށްފިއެވެ.
މޫސުމާ ބެހޭ ގައުމީ އިދާރާ އިން ހާމަކޮށްފައިވާ ގޮތުގައި ގާފަރަށް 67.7 މިލިމީޓަރުގެ ވާރޭ ވަނީ ވެހިފައެވެ. ދެވަނަ އަށް އެންމެ ގިނަ އިން ވާރޭ ވެހުނީ ބ. ގޮއިދޫއަށެވެ. އެ ރަށަށް ފާއިތުވެދިޔަ 24 ގަޑިއިރުގެ ތެރޭގައި 61.2 މިލިމީޓަރުގެ ވާރޭ ވެހިފައިވެއެވެ.
ތިން ވަނަ އަށް އެންމެ ގިނަ ވާރޭ ވެހިފައި ވަނީ ބ. ދަރަވަންދޫއަށެވެ. އެ ރަށަށް 20.5 މިލިމީޓަރުގެ ވާރޭ ވެހިފައިވެއެވެ.
ރާއްޖޭގެ ބައެއް ހިސާބުތަކަށް މި ދުވަސްވަރު މޫސުން ގޯސްވެފައިވާ އިރު، މިއަދު މެންދުރު 13:00 އާ ހަމައަށް ރާއްޖޭގެ ބޮޑުބަޔަކަށް ބޯކޮށް ވާރޭ ވެހޭނެ ކަމަށް މޫސުމާ ބެހޭ ގައުމީ އިދާރާ އިން މިހާރު ވަނީ ލަފާކޮށްފައެވެ.
