ރައްޔިތުންގެ މަޖިލީހުގެ ސަލާމަތީ ހިދުމަތްތަކާ ބެހޭ ކޮމިޓީ (241 ކޮމިޓީ) ގެ މުގައްރިރުންނާއި ނައިބު މުގައްރިރުން އިންތިހާބުކޮށްފިއެވެ.
ކޮމިޓީގެ މިއަދުގެ މާލިއްޔަތު ކޮމިޓީގެ މުގައްރިރަކަށް އިންތިހާބުކޮށްފައި ވަނީ އޭދަފުށީ ދާއިރާގެ ޕީއެންސީ މެމްބަރު އަހުމަދު ސަލީމް (ރެޑްވޭވް ސަލީމް)އެވެ. ނައިބު މުގައްރިރަކަށް އިންތިހާބުކޮށްފައި ވަނީ ޕީއެންސީގެ ޕާލަމެންޓްރީ ގްރޫޕްގެ ލީޑަރު އަދި އިނގުރައިދޫ ދާއިރާގެ މެމްބަރު އިބްރާހިމް ފަލާހެވެ.
މަޖިލިހުގައި ހިމެނޭ ދާއިމީ ކޮމިޓީތަކުގެ މުގައްރިރުންނާއި ނައިބު މުގައްރިރުން ވަނީ ކަނޑައަޅަން ފަށައިފައެވެ. މުގައްރިރުންނާއި ނައިބު މުގައްރިރުން ކަނޑައަޅާން ފަށާފައި ވަނީ މަޖިލިހުގެ ދާއިމީ ކޮމިޓީތަކުގައި ތިއްބަވާ މެމްބަރުން ހަމަޖައްސައި މަޖިލިހުގެ ތަޅުމުން އެކަން ފާސް ކުރުމުންނެވެ.
މި ދެ ބޭފުޅުންނާ އެކުގައި 241 ކޮމިޓީގައި 13 މެމްބަރުން ތިއްބަވައެވެ.
241 ކޮމިޓީގައި ތިއްބަވާ މެމްބަރުން:
އޭދަފުށީ ދާއިރާގެ ޕީއެންސީ މެމްބަރު އަހުމަދު ސަލީމް (ރެޑްވޭވް ސަލީމް)
އިނގުރައިދޫ ދާއިރާގެ ޕީއެންސީ މެމްބަރު އިބްރާހިމް ފަލާހް
ހިތަދޫ މެދު ދާއިރާގެ ޕީއެންސީގެ މެމްބަރު އަހުމަދު އަޒާން މަރްޒޫގް
ކެލާ ދާއިރާގެ ޕީއެންސީގެ މެމްބަރު އަބްދުﷲ ޝަރީފް
ހޮޅުދޫ ދާއިރާގެ ޕީއެންސީގެ މެމްބަރު މުހައްމަދު ޝާހިދު
ދިއްގަރު ދާއިރާގެ ޕީއެންސީ މެމްބަރު އަހުމަދު ނާޒިމް
ކުރެންދޫ ދާއިރާގެ ޕީއެންސީ މެމްބަރު މުހައްމަދު ޝާމިން ހަބީބް
މަހިބަދޫ ދާއިރާގެ ޕީއެންސީ މެމްބަރު އަހުމަދު ތޯރިގް
ހަނިމާދޫ ދާއިރާގެ އެމްޑީޕީގެ މެމްބަރު އަބްދުލްޣަފޫރު މޫސާ
މީދޫ ދާއިރާގެ އެމްޑީއޭ މެމްބަރު އަހުމަދު ސިޔާމް މުހައްމަދު
މާމިގިލި ދާއިރާގެ ޖުމްހޫރީ ޕާޓީގެ މެމްބަރު ގާސިމް އިބްރާހިމް
މާފަންނު އުތުރު ދާއިރާގެ އެމްއެންޕީ މެމްބަރު މުހައްމަދު ނާޒިމް
ތުޅާދޫ ދާއިރާގެ އަމިއްލަ މެމްބަރު އަބްދުލްހަންނާން އަބޫބަކަރު
ކޮމިޓީގެ މުގައްރިރަކަށް ސަލީމްގެ ނަން ހުށަހެޅުއްވީ ޝާހިދެވެ. އެ ހުށަހެޅުމަށް ތާއީދު ކުރެއްވީ ފަލާހެވެ. މިއަދުގެ ވޯޓުގައި ބައިވެރިވެވަޑައިގެންނެވި 11 މެމްބަރުންގެ އިއްތިފާގުން އެ ނަން ވަނީ ފާސްކޮށްފައެވެ.
ކޮމިޓީގެ ނައިބު މުގައްރިރަކަށް ފަލާހުގެ ނަން ހުށަހެޅުއްވީ ޝާހިދެވެ. އެ ހުށަހެޅުމަށް ތާއީދުކުރެއްވީ ސަލީމެވެ. ނައިބު މުގައްރިރަކަށް ފަލާހު އިންތިހާބުކުރީ ވެސް ވޯޓުގައި ބައިވެރިވެވަޑައިގެންނެވި މެންބަރުންގެ އިއްތިފާގުންނެވެ.
އެ ކޮމިޓީގެ މައިގަނޑު މަސްއޫލިއްޔަތަކީ ސަލާމަތީ ހިދުމަތްތައް ހިނގާ ނުހިނގާ ގޮތް ބެލުމާއި ގައުމީ ސަލާމަތުގެ ކަންކަން ދިރާސާކުރުމާއި ގައުމީ ސަލާމަތުގެ ސިޔާސަތުތަކަށް ގެންނަންޖެހޭ ބަދަލެއް އޮތްނަމަ، އެކަމެއް ފާހަގަކޮށް އެކަމެއް މަޖިލީހަށް ހުށަހެޅުމެވެ.
