މިއަހަރު އެންމެ ގިނަ ފަތުރުވެރިން ޒިޔާރަތް ކުރުމުގެ ރެކޯޑު އަދިވެސް ޗައިނާއިން ދަނީ ދަމަހައްޓަމުން

މިއަހަރު އެންމެ ގިނަ ފަތުރުވެރިން ޒިޔާރަތް ކުރުމުގެ ރެކޯޑު އަދިވެސް ޗައިނާއިން ދަނީ ދަމަހައްޓަމުން

ގުޅުންހުރި

މި އަހަރުގެ މިހާތަނަށް ރާއްޖެއަށް ގާތްގަނޑަކަށް ނުވަލައްކަ ފަތުރުވެރިން ޒިޔާރަތްކޮށްފައިވާއިރު، ކޮންމެ މަހަކުވެސް އެންމެ ގިނައިން ޒިޔާރަތް ކުރުމުގެ ރެކޯޑު އަދިވެސް ޗައިނާއިން ދަނީ ދަމަހައްޓަމުންނެވެ.

ފަތުރުވެރިކަމާ ބެހޭ ވުޒާރާއިން އާންމުކޮށްފައިވާ ތަފާސްހިސާބުތައް ދައްކާގޮތުން، މި އަހަރުގެ މިހާތަނަށް ރާއްޖެ ޒިޔާރަތްކުރި ފަތުރުވެރިންގެ އަދަދު 895،764 ފަތުރުވެރިން ޒިޔާރަތްކޮށްފައިވެއެވެ.

މި އަހަރުގެ ފާއިތުވީ ފަސް މަސް ދުވަހަށް ބަލާއިރު އެންމެގިނައިން ފަތުރުވެރިން ޒިޔާރަތްކޮށްފައި ވަނީ ފެބްރުއަރީ މަހުއެވެ. އެ މަހު އެކަނި ވެސް 217،392 ފަތުރުވެރިން ރާއްޖެ ޒިޔާރަތްކޮށްފައިވެއެވެ. އެއީ އެއް މަސްތެރޭ ދެ ލައްކަ ފަތުރުވެރިން ރާއްޖެ ޒިޔާރަތްކުރި ފުރަތަމަ ފަހަރުކަން ފާހަގަކޮށްލެވެއެވެ.

މެއި މަހުގެ ތަފާސްހިސާބަށް ބަލާއިރު، މެއި މަހު 119,875 ފަތުރުވެރިން ރާއްޖެ ޒިޔާރަތްކޮށްފައިވެއެވެ. 2023 ވަނަ އަހަރުގެ މެއި މަހު ރާއްޖެ ޒިޔާރަތްކުރި ފަތުރުވެރިންގެ އަދަދަކީ، 120,959 އެވެ. 2022 ވަނަ އަހަރުގެ މެއި މަހު 125,528 ފަތުރުވެރިން ރާއްޖެ ޒިޔާރަތްކޮށްފައިވެއެވެ.

ފުރަތަމަ ފަސް މަސްދުވަހުގެ ތަފާސްހިސާބުތަކަށް ބަލާއިރު، 2023 ވަނަ އަހަރުގެ މެއި މަހުގެ ނިޔަލަށް ރާއްޖެ ޒިޔާރަތްކުރި ފަތުރުވެރިންގެ އަދަދަކީ 809،244 އެވެ. 2022 ވަނަ އަހަރު، އެ އަހަރުގެ މެއި މަހުގެ ނިޔަލަށް 702،334 ފަތުރުވެރިން ރާއްޖެ ޒިޔާރަތްކޮށްފައިވެއެވެ.

ތަފާސްހިސާބުތައް ދައްކާގޮތުން، މިހާރު ދުވާލެއްގެ މައްޗަށް ރާއްޖެއަށް އެވްރެޖްކޮށް 5،855 ފަތުރުވެރިން ޒިޔާރަތްކުރާއިރު، އެވްރެޖްކޮށް ފަތުރުވެރިން ރާއްޖޭގައި އަށް ދުވަސް ހޭދަކުރެއެވެ.

އަހަރުގެ މިހާތަނަށް ރާއްޖެއަށް އެންމެ ގިނަ ފަތުރުވެރިން ޒިޔާރަތްކޮށްފައިވަނީ ޗައިނާއިންނެވެ. އެގައުމުން 101،202 ފަތުރުވެރިން ޒިޔާރަތްކޮށްފައިވާއިރު، ދެވަނާގައި އޮތް ރަޝިއާއިން 90،336 ފަތުރުވެރިން ޒިޔާރަތްކޮށްފައިވެއެވެ. ތިން ވަނާގައި އޮތީ އިނގިރޭސިވިލާތެވެ. އެގައުމުން މި މުއްދަތުގައި 85،208 ފަތުރުވެރިން ޒިޔާރަތްކޮށްފައިވެއެވެ.

މި ލިސްޓުގައި ދެން ހިމެނެނީ، އިޓަލީ، ޖަރުމަނުވިލާތް، އިންޑިއާ، ފްރާންސް، އެމެރިކާ، ޕޮލޭންޑުގެ އިތުރުން ސްވިޒަލޭންޑެވެ.

2023 ވަނަ އަހަރު ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރި އިންޑިއާ އޮތީ މި ލިސްޓުގެ ހަ ވަނައިގައެވެ. އެ ގައުމުން މި އަހަރުގެ މިހާތަނަށް ރާއްޖެ ޒިޔާރަތްކޮށްފައި ވަނީ 53،852 ފަތުރުވެރިންނެވެ.

ފަތުރުވެރިންނަށް ހިދުމަތްދިނުމަށް މިނިސްޓްރީން 1،201 ތަނަކަށް ހުއްދަދީފައިވާއިރު، މިހާރު ހިދުމަތްދެމުން އަންނަނީ 1،193 ތަނަކުންނެވެ. އެއީ، 174 ރިސޯޓާއި، 15 ހޮޓަލުގެ އިތުރުން 855 ގެސްޓްހައުސް އަދި 149 ސަފާރީއެވެ. މިއާއެކު މިހާރު ފަތުރުވެރިކަމަށް ޖުމްލަ 62،254 އެނދު ވަނީ ހުޅުވާލާފައެވެ.

ސަރުކާރުން މި އަހަރަށް އަމާޒު ހިފާފައިވަނީ 2 މިލިއަން ފަތުރުވެރިން ގެނައުމަށެވެ. މިހާރު ފަތުރުވެރިން ޒިޔާރަތްކުރާ ނިސްބަތަށް ބަލާއިރު އެ އަދަދު 2.3 މިލިއަނަށް އަރާނެކަމަށް ލަފާކުރެވޭކަމަށް ފަތުރުވެރިކަމާ ބެހޭ ވަޒީރު ވަނީ ވިދާޅުވެފައެވެ.

ހިޔާލުފާޅު ކުރައްވާ!

Leave a Reply

Your email address will not be published. Required fields are marked *

ފަހުގެ