2009 ވަނަ އަހަރު ޑައިރެކްޓަރު އަމްޖަދު އިބްރާހީމް (އަމްޖޭ) ގެެނެސްދިން އަދި އޭނާގެ ކެރިއަރުގެ އެންމެ ކާމިޔާބު ފިލްމު ކަމަށްވާ "އުދަބާނި" ގެ ދެވަނަ ބައި މި އަހަރުގެ ސެޕްޓެމްބަރުގައި ގެނެސްދޭން ނިންމައިފި އެވެ.
"އުދަބާނި 2″ ސިނަމާ އަށް ގެންނަން ނިންމާފައި ވަނީ ސެޕްޓެމްބަރު 15 ގަ އެވެ. މި ފިލްމްގެ ކުޑަ ވީޑިއޯ ކޮޅެއްވެސް މިހާރު ވަނީ ސޯޝަލް މީޑިއާއަށް ދޫކޮށްލައިފައިއެވެ.
"އުދަބާނި"ގެ ލީޑުން ފެނިގެންދިއައީ ޔޫސުފް ޝަފީއު (ޔޫއްޕެ) އާއި އާމިރާ އިސްމާއީލްގެ އިތުރުން ހާމިދެވެ. ހާމިދު އަކީ އުދަބާނީގެ ޕްރޮޑިއުސަރު ވެސް މެއެވެ. 2009 ވަނަ އަހަރުގެ މި ފިލްމް އަކީ ލިޔުންތެރިޔާ މުހައްމަދު ގާސިމުގެ ވާހަކަ އަކަށް ބިނާކޮށް ހެދި ފިލްމްއެކެ ވެ.
"އުދަބާނި 2″ ގެ މައިގަނޑު ކާސްޓުންނަކީ އަހުމަދު އީސަ (އާނަންދު) އި އައިމިނަތު ޝުހާ އާއި އަލީ އާޒިމް (ދޮންއައްޔަ) ގެ އިތުރުން ފުރަތަމަ ބައިގެ ވެސް މުހިއްމު ރޯލެއް ކުޅެ، ފިލްމު ޕްރޮޑިއުސްކުރި ހާމިދު އަލީ އެވެ.
