ސަލްމާން ޚާން ފެނިގެންދާ ފިލްމް "އަންތިމް" ގެ ޓީސާ ދައްކާލައިފިއެވެ. އަދި މިޓީސާގެ ފުރަތަމަ ފެނިލުމުގައި ފެނިގެންދަނީ އަޔުޝް ޝަރްމާއާއި ސަލްމާން ހާންގެ ތަޅާފޮޅުމުގެ ތަންކޮޅެކެވެ.
މި ފިލްމުގައި ސަލްމާން ފެންނާނެ ގޮތް ފުރަތަމަ ދައްކާލީ އަޔުޝް އޭނާގެ އިންްސްޓަގްރާމްގައި ކުރި ޕޯސްޓެއްގައެވެ. އެ ޕޯސްޓްގައި ސަލްމާން ޚާން ޕަންޖާބީ ސިފައިގެން މީހެއް ގޮތުގައި ފެނުނު އިރު، ސަލްމާން ޚާން ފިލްމްސްގެ ރަސްމީ އެކައުންޓުން އާންމުކުރި ފިލްމުގެ ޓީސާގައި އަޔުޝް ޝަރްމާގެ ފުރަތަމަ ފެނިލުމުން ފެނިގެންދަނީ ގޭންގުތަކުގެ ވަރުގަދަ އަދި ބިރުކުޑަމީހެއްގެ ގޮތުގައެވެ.
ފިލްމުގެ ޓީސާގައި އަޔުޝް ފެންނަނީ ބިރުވެރި އަދި ވަރުގަދަ ސިފައެއްގައެވެ. އަދި ސަލްމާނާ ދެމީހުން ހުސްގަޔާ ވަރުގަދަ ތަޅާފޮޅުންގަނޑެއް ތެރޭގައި އުޅޭ މަންޒަރު ފެނެއެވެ. މިޓީސާގައި ދެމީހުންގެ ވަރުގަދަ ހަށިގަނޑު ވަނީ ދައްކާލާފައެވެ.
#AayushSharma ka pehla vaar laga @BeingSalmanKhan ko Dumdaar, abhi dekhna hai aur kya kya hoga, kyunki yeh toh hai bas #Antim ki shuruwaat#AntimFirstLook – https://t.co/ztAsJVs3Fb@manjrekarmahesh
— Salman Khan Films (@SKFilmsOfficial) December 21, 2020
ސަލްމާން ޙާން ފިލްމްސްގެ އޮފިޝަލް ސޯޝަލްމީޑިއާ އެކައުންޓް ތަކުން އާންމު ކުރި މި ޓީސާ ހިއްސާކުރަމުން ލިޔެފއިވަނީ "އަންތިމް ފެށިއްޖެ" ކަމުގައެވެ. މީގެ އިތުރުން ސަލްމާންވެސް ވަނީ ޓިސާ އާއެކު އަންތިމް ފެށިއްޖެ ކަމަށް ބުނެ ޓްވީޓެއް ކޮށްފައެވެ. މިއީ މަރާޓީ ފިލްމެއް ކަމަށްވާ "މުލްޝީ ޕެޓާން" ގެ ރިމޭކްއެކެވެ. މި ފިލްމުގެ ޝޫޓިން ފެށީ މީގެ ދެތިން ހަފްތާ ކުރިންނެވެ.
ފިލްމުގައި ނުބައި މީހެއްގެ ރޯލުން ފެންނަށް އަޔުޝް ޝަރްމާ އަކީ ސަލްމާންގެ ޅިޔަނެވެ. މި ފިލްމުގައި ސަލްމާނާ އޭނަގެ ޅިޔަނުގެ ވަރުގަދަ އެކްޝަން މަންޒަރުތަށް ފެނިގެންދާނެއެވެ.
ސަލްމާން ޚާންގެ ވަރަށް ގިނަ ފޭނުން މިހާރު އިންތިޒާރުކުރަމުން ދަނީ މި ފިލްމު ރިލީސްކުރާނެ ދުވަހަކަށެވެ.
