ފުލުހުންނަށް ބިރުދެއްކި ކަމަށް ބުނާ ތިން މީހުންގެ ބަންދުގެ މުއްދަތު އިތުރު ކޮށްފި

ކުލަ ހެދުމުގައި ތިބި ދެ ފުލުހުންނަށް ވަޅިން ބިރުދެއްކި މައްސަލައިގައި ހައްޔަރު ކުރި މީހުންގެ ބަންދު މުއްދަތު އިތުރު ކޮށްފިއެވެ.

މި މަހު 18 ވަނަ ދުވަހު ފުލުހުންތަކަކަށް އިންޒާރުދީ، ބިރުދެއްކި ކަމުގެ ތުހުމަތުވާ ތިން މީހުންގެ ބަންދަށް ވެސްއިތުރު 22 ދުވަސް ޖަހަން އިއްޔެ ކްރިމިނަލް ކޯޓުން ވަނީ އަމުރުކޮށްފައެވެ.

މިމަހުގެ 18 ވަނަ ދުވަހުގެ ރޭ 10:00 ހާއިރު ކުލަ ހެދުމުގައި ތިބި ދެ ފުލުހަކަށް ވަޅިން ބިރުދައްކައި މާރާމާރި ހިންގި މައްސަލައާ ގުޅިގެން ހައްޔަރު ކޮށްފައިވަނީ ދިވެހި 3 ފިރިހެނުންނެވެ. އެއީ 35 އަހަރުގެ މީހަކާއި 39 އަހަރުގެ ދެ މީހުންނެވެ.

ފުލުހުން އޭރު ބުނެފައިވަނީ ބުނެފައިވަނީ އެ މައްސަލައިގައި ހައްޔަރުކުރި މީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން ތިން މީހުންގެ ބަންދަށްވެސް 7 ދުވަސް ދީފައިވާ ކަމަށެވެ.

ފުލުހުން ބުނެފައިވަނީ މި މައްސަލަ ތަހުގީގު ކުރަމުން ގެންދާ ކަމަށެވެ.

މި މައްސަލައިގައި ހިމެނޭ މީހުން ހައްޔަރު ކުރުމުގައި އަމަލުކުރި ގޮތާމެދު ޝަކުވާތަކެއް ހުށަހެޅިފައިވާތީ ފުލުހުންގެ ޕްރޮފެޝަނަލް ސްޓޭންޑާޑްސް ކޮމާންޑުން އެކަން ބަލަމުންގެންދާ ކަމަށްވެސް ފުލުހުން މައުލޫމާތު ދީފައިެވއެވެ.