މޫސުން ގޯސްވެ ބޯކޮށް ވާރޭ ވެހުމުގެ އިތުރަށް، ވަޔާއި ކަނޑު ގަދަވާނެކަމަށް ލަފާކޮށް ހއ އަތޮޅުން ފެށިގެން އދ އަތޮޅަށް ރީދޫ ސަމާލު ނެރެފިއެވެ.
މޫސުމާ ބެހޭ ގައުމީ އިދާރާއިން ބުނީ، ހއ. އަތޮޅުން ފެށިގެން ތ. އަތޮޅަށް ގުގުރުމާއި އެކު ބޯކޮށް ވާރޭ ވެހި، ވިލާގަނޑުގައި ގަޑިއަކު 50 މޭލަށް ވައި ގަދަވެ ކަނޑުތައް ވަރަށް ގަދަވާނެ ކަމަށް ލަފާ ކުރެވޭ ކަމަށެވެ. އަދި ގަޑިއަކު 25 މޭލާއި 30 މޭލާ ދެމެދުގެ ބާރު މިނުގައި ވައި ޖެހޭނެކަމުގައިވެސް މެޓް އޮފީހުން ލަފާ ކޮށްފައި ވެއެވެ.
ރީދޫ ސަމާލު ނެރެފައިވަނީ މިއަދު ހެނދުނު 7:50 އިން ހަވީރު 13:30 އަށެވެ.
ރާއްޖޭގެ ދެކުނުގައި ކޮޅިގަނޑެއް އުފެދިފައިވާއިރު އަދި ހުޅަނގު މޫސުމުގެ ބާރު ރާއްޖެ ސަރަހައްދުގައި ގަދަވެފައިވާއިރު މޫސުމަށް ސަމާލުވުމަށް މެޓުން އިލްތިމާސްކުރެއެވެ.
